Marko 16:12 - AHYERƐLƐ KRONGRON

¹² Na ɛhe asi ne, ɔyele ye nwo ali sue foforɛ nu hyirele bɛ nu nyɔ, wɔ mmerɛ bɔ né bɛnate atee so bɛkɔ akuraa nu ɔ.

Marko 16:12 Iomraidhean Croise

Marko 16:14

Na ɛhemɔ asi ne, ɔyele ye nwo ali hyirele asuafoɛ buru ne ko ne wɔ mmerɛ bɔ né bedidi ɔ. Na ohwili bɛ nyunu wɔ elelɛ bɔ banne banni, ɔne b’asoserɛ nwo, ofikyɛ banne bɛ bɔ benwuni ye kyɛ watingye ne banni.

Luka 9:29

Na ogu so ɔbɔ mbaeɛ nen, ye nyunu sue ne sesane, ye ataadeɛ yɛle hyɛnn, na ɔtale.

Yohane 21:1

Ɛhe asi ye, Yesu yele ye nwo ali bieku hyirele asuafoɛ nemɔ wɔ Tiberia mboanoa, na kyɛbɔ ɔyele ye nwo ali hyirele bɛ ne ɛhe:

Yohane 21:14

Ɛhe yeɛ ɔtɔ so pɛen nza bɔ Yesu tingyele fili awufoɛ nu ne, ɔyele ye nwo ali hyirele ye asuafoɛ nemɔ ɔ.

Asomafoɛ 1:3

Na Yesu wue ne asi ne, ɔnate atee ne sue ahoroɔ nu ngyẽa eleburanna yele ye nwo ali lili adanzeɛ hyirele ye asuafoɛ nemɔ kyɛ ɔte ase. Benwuni ye, na ɔhane Nyameɛ ahennie ne nwo dwirɛ hyirele bɛ.