Marko 16:1 - AHYERƐLƐ KRONGRON

¹ Na afofikyẽa ne pɛle nu ne, Maria Magdalene, Yakobo maame Maria ne Salome bɛtɔle ayirefona kyɛ bɛkwaafa bɛpopa ye.

Marko 16:1 Iomraidhean Croise

Gyenesise 50:2

Na Yosef hyɛle ye ngoaa safoɛ nemɔ kyɛ bewura ɔse fuin ne ayire amaa wamborɔ. Yiti bewurale Yisrael fuin ne ayire.

2 Aberɛso Dwirɛ 16:14

Asieleɛ kumaa bɔ wapɛ wato berɛ wɔ Dawide kuro kyɛ owu a besie ye wɔ nu ne, besiele ye wɔ nu. Mba bɔ bɛdedale ye wɔ so ne, ayirefona ahoroɔ bɔ bɛfa bɛpetene so ne, sona bɔ ole ye nwo nimdeɛ yeɛ ɔfrafrale nningyein fa yɔle ɔ. Na bɛsɔle buruburugya bɛfa bɛyɛle ye sɛen.

Marko 14:3

Na mmerɛ bɔ né Yesu wɔ Betania, wɔ Simɔn kwataniɛ n’awuro berɛ, bɔ ɔtenane ase kyɛ odidi nen, braa bie bɔ otira towaa nyɔboɛ serɛ, bɔ sakyeɛfona nyɔboɛ serɛ wɔ nu ɔ wale berɛ. Ɔbɔle towaa ne, na otutuli sakyeɛfona ne guale Yesu ti so.

Marko 14:8

Bɔ ɔkɔhora ye yɔ yeɛ wayɔ ye; wali moa wapopa me nipadua wafa wanwondɛ me sielɛ.

Marko 15:40

Né mmrasua biemɔ koso begyigyi nziɛ nziɛ bɛnea; na né Maria Magdalene, Maria bɔ ye mma ole Yakobo kãa ne Yose, yeɛ afei Salome boka bɛ so.

Marko 15:42

Odwuli nɔsoa ne, na ɔnate kyɛ né ɔte anwoboaboa kyẽa, bɔ ɔpɛ nu a ɔte afofikyẽa ne ati,

Marko 15:47

Na Maria Magdalene ne Yose maame Maria benwuni nekaa bɔ bɛfale ye bɛtole ɔ.

Marko 16:2

Na dapɛn ne anu kyẽa bɔ oli moa ne, ye ngyerɛmɔ tutututu, bɛhɔle asieleɛ ne aso, bɔ né eyia apukye ɔ.

Marko 16:8

Na befili asieleɛ ne anu befitele ndɛndɛ bɛnwati bɛhɔle; ofikyɛ ahunundetelɛ ne ɛserɛ tɔle bɛ so. Na bammɔ so bangyire ebiala, ofikyɛ né besuro.

Luka 23:54

Né ɔte anwoboaboa kyẽa, bɔ afofikyẽa ne wapingye ɔ.

Luka 23:56

Afei besa bɛhɔle beesiesiele ayirefona ne sakyeɛfona. Na afofikyẽa ne, belele bɛ nwome kyɛbɔ mmeraa ne te ne.

Luka 24:1

Na dapɛn ne anu kyẽa bɔ oli moa ne, ye alebahyene, bɛfale ayirefona bɔ besiesiele ne bɛhɔle asieleɛ ne aso.

Yohane 19:25

Yiti bɔ asraafoɛ nemɔ yɔle hɔ ɛne. Na mmenia hemɔ yeɛ né begyi bepingye Yesu mmeamudua ne nwo ɔ: ye maame, ye maame aliɛma brasua, Klopa aye Maria, yeɛ Maria Magdalene.

Yohane 19:31

Né sɔ kyẽa ne te Anwoboaboa kyẽa, na kyɛbɔ ɔkɔyɛ bɔ efuin nemɔ bɛngɔha mmeamudua nemɔ so wɔ afofikyẽa ne, (ofikyɛ né sɔ afofikyẽa ne ɔte kyẽa piri,) yiti Yudafoɛ bɛɛsrɛle Pilato kyɛ ɔma bebubu bɛ gya nu, ná bɛye bɛ bɛbra ase.