Marko 15:40 - AHYERƐLƐ KRONGRON

⁴⁰ Né mmrasua biemɔ koso begyigyi nziɛ nziɛ bɛnea; na né Maria Magdalene, Maria bɔ ye mma ole Yakobo kãa ne Yose, yeɛ afei Salome boka bɛ so.

Marko 15:40 Iomraidhean Croise

Edwein 38:11

M’adɔfo mɔ ne me mmango mɔ, baye bɛ nye wɔ amaneɛnwunɛ ne anwo, na m’abusuafoɛ mɔ bahwe bɛ nwo baagyina dedeede.

Mateo 10:3

Filipo ne Batolomeo; Tɔmase ne Mateo bɔ ɔte ɛtoɔdidelɛniɛ ne; Yakobo bɔ ye baba ole Alfeo ne, yeɛ Tadeo;

Mateo 13:55

Bakaa dwumvoɛ ne, aso nna ɔwa ne ɛhe? Aso bɛmvrɛ ye maame Maria? Aso nna oliɛma mmienzua mɔ ole Yakobo ne Yosef ne Simɔn ne Yudase?

Mateo 27:61

Né Maria Magdalene ne Maria ko ne koso bɛwɔ berɛ, bɔ bɛtete asieleɛ ne ndendeneɛ so ɔ.

Mateo 28:1

Afofikyẽa ne pɛle nu, na dapɛn ne anu kyẽa bɔ oli moa ne, ye alebahyene, Maria Magdalene ne Maria ko ne bɛhɔle kyɛ bɛkwaanea asieleɛ ne.

Marko 15:47

Na Maria Magdalene ne Yose maame Maria benwuni nekaa bɔ bɛfale ye bɛtole ɔ.

Marko 16:1

Na afofikyẽa ne pɛle nu ne, Maria Magdalene, Yakobo maame Maria ne Salome bɛtɔle ayirefona kyɛ bɛkwaafa bɛpopa ye.

Marko 16:9

[Na kyẽa bɔ oli moa ne ngyerɛmɔ tutututu bɔ odwɔsole nen, olili moa yele ye nwo ali hyirele Maria Magdalene, bɔ otuli sunzummɔne nzoo fili ye nu ne.

Luka 19:3

Né ɔpena kyɛ onwu Yesu ná onwu ye sona horɛ, nakoso ɔnate ɛlɔen ne ati wannwu ye, ofikyɛ ɔte sona tikaa.

Luka 23:49

Na ye mmango amukoraa ne mmrasua bɔ belili ye si befili Galilea ne, begyinagyinane nziɛ nziɛ yeɛ bɛneane bɔ ɔhɔle so ne ɔ.

1 Korintofoɛ 9:5

Aso yɛlle ye nwo ate kyɛ yɛne aliɛmaa brasua bɔ ɔte yɛ ye tu atee, kyɛbɔ asomafoɛ ngaa nemɔ ne Awurade aliɛma mɔ ne Kefa bɛyɔ ne?

Galatiafoɛ 1:19

Nakoso mannwu asomafoɛ ne anu biala, sana Awurade aliɛma Yakobo.

Yakobo 1:1

Yakobo bɔ nde Nyameɛ ne Awurade Yesu Kristo akoaa, mefa mebrɛ abusua kure buru ne nyɔ bɔ babɔ aya bahɔ maen maen so ne. Mebisa ɛmɔ bisabisa.