Marko 15:26 - AHYERƐLƐ KRONGRON

²⁶ Na kwaadu bɔ bɛfa bɛbɔle ye ne, bɛhyerɛle ye wɔ ye ti anwuro kyɛ, “YUDAFOƐ HENE NE.”

Marko 15:26 Iomraidhean Croise

Edwein 2:6

“Me AWURADE, me bɔbɔ, masi me hene mafa ye matena me bokaa krongron Sion so.”

Edwein 76:10

“Amba, mmenia yaafɛlɛ po, ɔkakyi ayɛyelɛ ma wɔ; wɔ yaafɛlɛ piri ne, ɛfa ye ngaa bɔ abɔsoɛ.

Anyandera 21:1

Ɛhene adwene, ɔte kyɛ asue bɔ ɔtengyɛ ɔ wɔ AWURADE sa nu, nekaa bɔ okuro ɔ yeɛ obiri ye fa ɔ.

Yesaya 10:7

Nakoso Asiria hene de, nna sɔ yeɛ ɔwɔ ye ti anu ɔ, nna sɔ yeɛ ɔdwene ɔ, na mmom, wayɛ ye adwene kyɛ okohũhũ mmenia, ná wasa wasɛkye maen maen pee.

Yesaya 46:10

Me yeɛ ofi ahyɛaseɛ ne, ngane ayieleɛ dwirɛ ɔ, ɔne kyɛ ofi tetetete yeɛ ngane bɔ onnya ossili nwo dwirɛ ɔ. Ngane kyɛ, ‘Me botaeɛ kogyina, na ngɔyɔ me nhyehyɛleɛ amukoraa.’

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Mateo 2:2

na bebisale kyɛ, “Yudafoɛ hene bɔ bawo ye ne, nisua yeɛ ɔwɔ ɔ? Ofikyɛ yanwu ye nzramaa wɔ eyia afiteleɛ dɔ, na yawa kyɛ yɛbaasɔne ye.”

Mateo 27:37

Na kwaadu bɔ bɛbɔle ye ne, bɛhyerɛ bɛfa bɛbɔle ye ti anwuro kyɛ, “Yesu Yudafoɛ Hene Ne Ɛhe!”

Marko 15:2

Na Pilato bisale ye kyɛ, “Wɔ ole Yudafoɛ Hene ne anaa?” Na obuale ye kyɛ, “Ye ala yeɛ ahã ne.”

Marko 15:27

Bɛbɔle awerɔm awuefoɛ nyɔ mmeamudua nu bɛbokale ye so, ko wɔ ye sa famaa so, yeɛ ko wɔ ye sa bɛen so.

Marko 15:32

Ma Kristo ne, Yisrael Hene ne, ofi mmeamudua ne aso odwu ase kekesaala ye ma yɛnea, na yɛkole yɛkoli.” Na bɛ bɔ bɛbɔle bɛ mmeamudua nu bɛbokale ye so ne, bɛ koso bɛpepɛle ye nzoaa.

Deuteronomi 23:5

Nakoso AWURADE wɔ Nyameɛ wandɛ Balaam so, na mmom AWURADE wɔ Nyameɛ kakyili ɛnomalɛ ne maa ɔyɛle saleɛ mane wɔ, ofikyɛ AWURADE wɔ Nyameɛ kuro wɔ dwirɛ.