Marko 15:19 - AHYERƐLƐ KRONGRON

¹⁹ Yeɛ bɛfale mbire befifini ye ti anu, bɛfefele nwɔserɛ beguale ye nwo, na beguale ndwerɛ bɛbɔle bɛ ti ase wɔ ye nyunu.

Marko 15:19 Iomraidhean Croise

Gyenesise 24:52

Na Abraham somvoɛ ne tele sɔ dwirɛ nen, obutuli berɛ yele AWURADE ayɛ.

Gyenesise 43:28

Bebuale ye kyɛ, “Yoo, w’akoaa bɔ ɔte yɛ baba ne, ye nwo te paa, na ɔtɛ te ase.” Na bɛbɔle bɛ ti ase bɛkotole ye.

1 Ahemvo 19:18

Nakoso ngɔyakyi mmenia apee nzoo maa bekonya bɛ ti bekodidi nu wɔ Yisrael, bɔ bɛ nu biala ɔffale ye nangoroma ɔkkotole Baal le, bɔ ɔffele Baal noa le ɔ.”

YOB NWOMAA NE 13:9

Sɛ ɔneanea ɛmɔ nu a, aso ɛmɔ nwo kɔyɛ sannwuu? Anaakyɛ, ɛmɔkɔhora bɛkɔlakalaka ye kyɛbɔ sona lakalaka sona anaa?

Edwein 69:12

Bɛ bɔ bɛwɔ kuro berɛ pambim ne anu ne, me nwo dwirɛ ala yeɛ bɛkã ɔ, na me yeɛ akɔnomnzafoɛ bɛfa me bɛto dwein ɔ.

Yesaya 45:23

Mata me bɔbɔ me nwo ndaen, tenenee dwirɛ yeɛ ofi me noa nu wawa ɔ, edwirɛ bɔ mengɔhwe ngosa ɔ, kyɛ, ‘Nangoroma mukoraa bɛkɔkoto me, ná noa amukoraa bafa me bata ndaen.’

Yesaya 49:7

AWURADE, Yisrael Defoɛ ne ye Krongronniɛ ne, ɔkã kyire bɔ bebu ye kra animtia, bɔ maen maen mɔ bekyi ye, bɔ ɔte maen mbanyi atianuserɛfoɛ bɛ somvoɛ ne kyɛ, “Ahemvo mɔ konwu ye bekodwɔso, atitirefoɛ koso, na bɛkɔfa bɛ nyunu bekobutu berɛ, ɔnate nahorɛniɛ AWURADE, Yisrael Krongronniɛ bɔ waneanea nu waye wɔ ne ati.”

Yesaya 50:6

Mvale me si mane bɛ bɔ befi me mbire ne, mvale me so taa nu mane bɛ bɔ betutu kanza ne. Beguale me nyunu ase, bɛfefele nwɔserɛ beguale me nyunu, nakoso mamva me nyunu mamvea.

Yesaya 52:14

Na kyɛbɔ ɔyɛle mmeni pee bɔ benwuni ye ne nwanwa, ofikyɛ ye nyunu mengyemengyele, bɔ né onzoma sona, bɔ né ye sona sue deɛ onzoma kuro sona deɛ ne ati,

Mika 5:1

Ao koɛhonɛfoɛ awa brasua, afei boa wɔ noa koɛhonɛfoɛ kure kure; watua yɛ kuro ne; Yisrael maenbulɛniɛ ne, bɛkɔfa bakaa bɛkɔbɔ ye mvoka.

Mateo 27:30

Bɛfefele nwɔserɛ beguale ye nwo, na belele ye sa nu elemmire ne bɛfa befifini ye ti anu.

Marko 10:34

Bɛkɔgoro ye nwo, bɛkɔfefe nwɔserɛ bekogua ye nwo, bekofi ye mbire, ná bahu ye, na ye ɛlɛsa ne aso okotingye.”

Marko 14:65

Na ebiemɔ hyɛle ye bo bɛfefele nwɔserɛ beguale ye nwo, bɛkatale ye nye, na bɛbobɔle ye, na besele ye kyɛ, “Hyɛ ngɔm!” Na asomvoɛ nemɔ bobɔle ye nye so.

Marko 15:18

Na bɛhyɛle ye bo bɛmomane ye kyɛ, “Yudafoɛ Hene, wɔ ngoa so oo!”

Marko 15:20

Na bɛgorole ye nwo beyiele nen, bɛyele ataadeɛ kɔkorɛ ne, na bɛfale ye bɔbɔ ye ataadeɛ ne bewurale ye. Na bɛfale ye bɛhɔle kyɛ bɛkwaabɔ ye mmeamudua nu.

Marko 9:12

Na obuale bɛ kyɛ, “Elia kɔwa kɔɔtoto nningyein mukoraa yé amba de; nakoso bɔ bahyerɛ bafa Sona Awa ne nwo, kyɛ odi kyɛ onwu amaneɛ pee ná mmenia bu ye animtia ne koso ɛ?

Luka 22:63

Na mmenia bɔ né betiratira Yesu nu ne, bɛgorole ye nwo, na bɛbole ye.

Luka 23:11

Na Herode ne ye asraafoɛ bɛpepɛle ye nzoaa, bɛgorole ye nwo; na afei ɔfale ataadeɛ nyemenenyemene bie wurale ye, na ɔmaa besa bɛfale ye bɛɛmane Pilato.

Luka 23:36

Asraafoɛ nemɔ koso gorole ye nwo, na bɛwale ye nwo berɛ bɛɛmane ye nzaa kekarekekare bie,

Romanfoɛ 11:4

Na Nyameɛ buale ye sɛ? “Mafa mmenia apee nzoo masie bɔ bɛte me deɛ ɔ, bɔ bɛkkoto bɛssɔnene bosoen Baal le ɔ.”

Filipifoɛ 2:10

kyɛ Yesu dumaa nu yeɛ ɔsɛ kyɛ nangoroma mukoraa bɛkoto, bɔ ɔwɔ nyameɛso, bɔ ɔwɔ aseɛ so, ɔne bɔ ɔwɔ aseɛ bo dɔ ɔ,

Hebrifoɛ 13:13

Yiti ɛ́mɔma yɛhɔ ye berɛ wɔ asikyeleɛ ne asi dɔ ná ye animguaseɛ ne bie ɔha yɛ.