Marko 15:14 - AHYERƐLƐ KRONGRON

¹⁴ Na Pilato bisale bɛ kyɛ, “Nzu ɔ, nzikyɛ bɔne yeɛ wayɔ ɔ?” Nakoso bɛhɔle so bɛteateane nu serɛserɛ kyɛ, “Bɔ ye mmeamudua nu!”

Marko 15:14 Iomraidhean Croise

Edwein 69:4

Bɛ bɔ bɛpɔ me mbaen ne, bɛsone bɛtra me ti nwiaa; bɛ bɔ bɛpena me beku me, bɔ bɛ yeɛ bɛpɛ edwirɛ bɛto me so ne, bɛ nwo yɛ se. Nikyee bɔ nnwuale ɔ, aso odi kyɛ mefa bie mesi ye gya nu?

Yesaya 53:3

Mmenia buli ye animtia, na bɛpole ye; ɔte sona bɔ ɔfale aworabɔlɛ nu ná onwuni yealɛ ɔ, bebuli ye animtia kyɛ sona bɔ mmenia nwu ye a bɛye bɛ nye bɛto buro ɔ, yeɛ yamva ye yanyɛ huu.

Yesaya 53:9

Bɛpɛle ye asieleɛ bɛfrale bɔnefoɛ mɔ deɛ, ɔne sikafoɛ mɔ deɛ wɔ ye wue nu, ɔwɔ nu kyɛ wanni nzɛmmɔne biala, yeɛ nnakannaka biala wamvi ye noa.

Mateo 27:19

Asa koso, mmerɛ bɔ ɔtenane ndɛenbualɛ bia nu ne, ɔye somane maa bɛɛhã behyirele ye kyɛ, “Nnɛma ndoto biala ba wɔ ne sɔ biaa teneneeniɛ ne b’afia, ofikyɛ, ɔnate ye ti manwu amaneɛ pee wɔ laleɛ nu ɛnɛ kɔngɔen.”

Mateo 27:4

na ɔhane kyɛ, “Mayɔ bɔne kyɛ maye mogya bɔ odi be ɔ mama ɔ.” Na bebuale kyɛ, “Yɛ de, ɔfa yɛ nwo nzu? Wɔ yeɛ ɔte wɔ dwirɛ ɔ!”

Mateo 27:54

Na asraafoɛ ɛyaa so panyi ne bɛ bɔ bɛboka ye so, bɔ bɛwɛne Yesu ne, benwuni aseɛwosolɛ ne ne nningyein bɔ osisili nen, besurole paa, na bɛhane kyɛ, “Amba, Nyameɛ Awa ne ɛhe!”

Marko 15:13

Na bɛteateane nu bieku kyɛ, “Bɔ ye mmeamudua nu!”

Marko 15:15

Né Pilato pena kyɛ ɔyɔ nikyee ma ɛlɔen ne bɛ nye sɔ, yiti ɔyakyili Baraba mane bɛ, nakoso Yesu de, ofini ye mbire, na ɔyele ye mane bɛ kyɛ bɛɛbɔ ye mmeamudua nu.

Luka 23:21

nakoso bɛteateane nu kyɛ, “Bɔ ye mmeamudua nu! Bɔ ye mmeamudua nu!”

Luka 23:4

Na Pilato sele asɔfo mbanyi nemɔ ne ɛlɔen ne kyɛ, “Biaa he, me de, mennwu foɛ biala bɔ odi ɔ.”

Luka 23:41

Yɛ deɛ ne de, ɔfata yɛ; ofikyɛ bɔ yayɔ ne, ye nwo akatuaa yeɛ yanya ye ne; nakoso biaa he de, ɔyyɔle bɔne nikyee biala bɔ ɔtte mayee ɔ.”

Luka 23:47

Na asraafoɛ ɛyaa so panyi ne nwuni bɔ wasi nen, ɔyele Nyameɛ ayɛ, na ɔhane kyɛ, “Amba, biaa he te teneneeniɛ!”

Yohane 18:38

Na Pilato bisale ye kyɛ, “Nahorɛ, ye ole nzu?” Na ɔhane sɔ dwirɛ nen, afei ofite hɔle Yudafoɛ nemɔ berɛ bieku, na osele bɛ kyɛ, “Me de, mennwu foɛ biala bɔ odi ɔ.

Yohane 19:6

Na asɔfo mbanyi nemɔ ne awɛmvoɛ nemɔ benwuni ye ne, bɛteateane nu kyɛ, “Bɔ ye mmeamudua nu! Bɔ ye mmeamudua nu!” Na Pilato sele bɛ kyɛ, “Ɛmɔ bɔbɔ bɛfa ye bɛɛbɔ ye mmeamudua nu! Ofikyɛ me de, mennwu kyɛ odi fɔ biala ɔ.”

Asomafoɛ 13:28

Ɔwɔ nu kyɛ bannya edwirɛ biala bangyina so bamva bammua ye kumfɔ de, nakoso bɛsrɛle Pilato kyɛ ɔma behũ ye.

Asomafoɛ 19:34

Nakoso ɛlɔen ne nwuni kyɛ ɔte Yudaniɛ nen, bɛ mukoraa bɛbɔle nu bɛteateane nu alaa kɔyɛ dɔnhwere nyɔ bɛhane kyɛ “Ɛfesofoɛ Ateme te kokuroko!”

Hebrifoɛ 7:26

Yiti ɔsɔfo panyi paa bɔ ɔte sɔa yeɛ ɔfata kyɛ yɛnya ɔ. Ɔte krongron, mvomsoɛ anaa bɔne biala nne ye nwo, baye ye basie ahameɛ bafi bɔnefoɛ nu, na babɔ ye panyi paa wɔ nyameɛso.

1 Petro 1:19

na mmom Kristo bɔ ɔte kyɛ boaen ba bɔ ollili nnɛen bɔ ngekalewa biala nne ye nwo ne, ye mogya bɔ odi mu ne yeɛ bɛfa bɛpɔle ɛmɔ ɔ.