Marko 14:72 - AHYERƐLƐ KRONGRON

⁷² Na berɛ ne ala, akɔ bɔle ye pɛen nyɔ so. Na Petro kayele edwirɛ bɔ Yesu hã hyirele ye ne, kyɛ, “Kyɛ akɔ bɔ pɛen nyɔ ne, né ahã ye pɛen nza kyɛ ɛnze me.” Na otikyele esuɛ nu.

Marko 14:72 Iomraidhean Croise

2 Samuel 24:10

Dawide maa bɛhale mmenia ne beyiele nen, nziɛ ye, ye tiboa buale ye fɔ. Na Dawide fa tole AWURADE nyunu kyɛ, “Bɔ mayɔ ye, mayɔ bɔne paa. Nakoso AWURADE, mesrɛ wɔ ala, fa w’akoaa amumuyɛɛ kyɛ ye, ofikyɛ mali ngwaseasɛm paa.”

Hesekiel 16:63

amaa ɔnate so sɛ mefa wɔ bɔne bɔ ayɔ amukoraa mekyɛ wɔ a, akaye, ná wayɛ wɔ nya, na w’animguaseɛ ne ati ɛngɔtɛ wɔ noa nu ko, AWURADE Nyameɛ noa dwirɛ ɛne.”

Hesekiel 36:31

Na afei ɛmɔkɔkaye ɛmɔ bɔne yɔleɛ ne ɛmɔ yɔleɛ bɔ ɔtte mayee ne. Na ɔnate ɛmɔ amumuyɛɛ ne ɛmɔ akyiwadeɛ bra ne ati, ɛmɔ nwo kɔyɛ ɛmɔ tɛ.

Hesekiel 7:16

Na bɛ bɔ bɛkɔnwati bekonya bɛ ti bekodidi nu ne, bɛkɔhɔ mmokaa nemɔ aso kyɛ bɔnza nu mmubure, na ɔnate bɛ mukoraa b’amumuyɛɛ ti, ebiala kɔpene.

Mateo 26:34

Na Yesu buale ye kyɛ, “Nahorɛ nu, mekã mekyire wɔ kyɛ, ɛnɛ kɔngɔen ye, akɔ ngɔbɔ né ahã ye pɛen nza kyɛ ɛnze me.”

Marko 14:30

Na Yesu sele ye kyɛ, “Nahorɛ nu, mekã mekyire wɔ kyɛ, ɛnɛ kɔngɔen ye, kyɛ akɔ bɔ pɛen nyɔ ne, né aha ye pɛen nza kyɛ ɛnze me.”

Marko 14:68

Nakoso Petro sale kyɛ, “Bɔ ɛkã ye, menze, yeɛ mende ye bo po.” Yeɛ ofili berɛ hɔle ngurolo ne anu dɔ, [na akɔ bɔle.]

Marko 14:71

Na ɔhyɛle ye bo lili amoen tale ndaen kyɛ, “Biaa he bɔ ɛmɔkã ye nwo dwirɛ ye, menze ye!”

Luka 22:60

Nakoso Petro buale kyɛ, “Ngyabiaa, bɔ ɛkã ye, menze ye nwo hwee oo!” Na ye noa wɔ so bɔ odwudwo nen, berɛ ne ala akɔ bɔle.

Luka 22:62

Na Petro fite hɔle oosuni hahii.

2 Korintofoɛ 7:10

Aworabɔlɛ bɔ ɔnate Nyameɛ surolɛ so ba ne ma adwenesakyera bɔ ɔfa sona kɔ ngoalelɛ nu ɔ, na ɔmma sona nnu ye nwo. Nakoso ewiase aworabɔlɛ de ɔfa sona kɔ ewue nu.