Marko 14:67 - AHYERƐLƐ KRONGRON

⁶⁷ Onwuni Petro kyɛ ɔto see, ɔneane ye haa, na osele kyɛ, “Wɔ koso, né ɛne Nasarɛteniɛ Yesu yeɛ bɛnate ɔ!”

Marko 14:67 Iomraidhean Croise

Mateo 2:23

Na ɔhɔle kuro bie bɔ bɛfrɛ ye Nasarɛte so ɔɔtenane berɛ. Na ɛhe mane bɔ ngɔmhyɛlɛfoɛ nemɔ hane ne wale nu kyɛ, “Bɛkɔfrɛ ye Nasarɛteniɛ.”

Mateo 21:11

Na ɛlɔen ne buale kyɛ, “Ɛhe ole Yesu, ngɔmhyɛlɛniɛ ne bɔ ofi Nasarɛte bɔ ɔwɔ Galilea ne.”

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Marko 10:47

Na mmerɛ bɔ ɔtele kyɛ Yesu bɔ ofi Nasarɛte ahɔ ɛne nen, ɔhyɛle ye bo teateane nu kyɛ, “Dawide Awa Yesu, nwu me anwumvoin oo!”

Marko 14:54

Na Petro lili ye si wɔ nziɛ nziɛ oodwuli ɔsɔfo panyi paa n’aluo berɛ, na ɔne asomvoɛ nemɔ bɛtenane berɛ kyɛ ɔto see.

Yohane 18:18

Né ngoaa nemɔ ne asomvoɛ nemɔ bahua see begyigyi ye nwo, ofikyɛ né ɛyerɛ wɔ nu. Né bɛ́to see ne, na né Petro koso ogyi bɛ nwo berɛ ɔto see ne bie.

Yohane 19:19

Na Pilato hyerɛle edwirɛ bie bɔle mmeamudua n’anwuro kyɛ, “Yesu, Nasarɛteniɛ, Yudafoɛ Hene Ne.”

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.