Marko 14:58 - AHYERƐLƐ KRONGRON

⁵⁸ “Yɛtele kyɛ ɔka kyɛ, ‘Ngobubu asɔneyɛɛ sua he bɔ bafa asaa yeɛ basi ne, na ngɔfa ɛlɛsa ngosi foforɛ bɔ nna asaa yeɛ bɛfa besili ɔ.’ ”

Marko 14:58 Iomraidhean Croise

Daniel 2:34

Na egu so bɔ ɛnea ne, nyɔboɛ bie bɔ nna sona sa yeɛ ofindini ye ɔ, ɔte ɔɔbɔle sonaluwaa ne gya tasaa bɔ ɔte buralɛ ne ɛfaa ne, na obubuli ye nyokonyoko.

Daniel 2:45

Na kyɛbɔ enwuni kyɛ nyɔboɛ bie, bɔ nna sona sa yeɛ ofindini ye ɔ, ɔte ofili bokaa so wale, bɔ obubuli buralɛ ne, kɔɔbere ne, ɛfaa ne, ɛdwetɛ ne ne sikaa kɔkorɛ ne nyokonyoko nen, Nana, sɔ ala yeɛ Nyameɛ piri ne waye bɔ kyẽa bie ɔbaasi ɔ wahyire wɔ ɔ. Laleɛ ne te nahorɛ, na ye bo hyirelɛ ne koso te turoloo.”

Mateo 26:61

na bɛhane kyɛ, “Sɔ akoaa he hane kyɛ, ‘Ngɔhora ngobubu Nyameɛ asɔneyɛɛ sua ne, ná mafa ɛlɛsa masi.’ ”

Marko 14:57

Na ebiemɔ dwɔsole belili adanzewia betiale ye kyɛ,

Marko 14:59

Nakoso ɛhe po nwo adanzeɛ ne, bɛ noa anzɛ.

Marko 15:29

Na bɛ bɔ bɛɛpɛle nu berɛ ne, bɛwosole bɛ ti bɛkekane dwirɛ betiale ye kyɛ, “Eh, wɔ bɔ ebubu asɔneyɛɛ sua ne gua, ná ɛfa ɛlɛsa si ne!

Yohane 2:19

Na Yesu buale bɛ kyɛ, “Ɛ́mɔdwiri asɔneyɛɛ sua he bégua, na ngɔfa ɛlɛsa ngɔpagya ye ngosie berɛ bieku.”

Asomafoɛ 7:48

Nakoso Nyameɛ bɔ ɔwɔ anwuro anwuro ne, ɔndena sua bɔ kuro sona wafa ye sa wasi ɔ nu, kyɛbɔ ngɔmhyɛlɛniɛ ne kã kyɛ,

2 Korintofoɛ 5:1

Na yɛse kyɛ sɛ yɛ aseɛ ye aso ɛtena sua ne sɛkye a, yɛkonya awuro bɔ ofi Nyameɛ berɛ, bɔ nna sona yeɛ osili ɔ, bɔ ɔwɔ nyameɛso afebɔɔ.

Hebrifoɛ 9:11

Nakoso Kristo de, wawa kyɛ nningyein paa bɔ ɔbaawa ne nwo sɔfo panyi paa, na wafa ɛtena sua bɔ ɔte titire na odi mu tra so ɔ nu. Ɛhe de, nna kuro sona yeɛ osili ɔ, yeɛ ɔbboka ewiase abɔdeɛ so koso,

Hebrifoɛ 9:24

Ɔnate kyɛ, Kristo anwura nekaa krongron bɔ kuro sona sili, ná osa te nyameɛso deɛ paa ne nwo nhwɛsoɛ ne anu; na mmom wahɔ nyameɛso berɛ deinn, na kekesaala ye odi yɛ ti dwirɛ ma yɛ wɔ Nyameɛ nyunu.