Marko 14:38 - AHYERƐLƐ KRONGRON

³⁸ Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Marko 14:38 Iomraidhean Croise

Mateo 24:42

Yiti ɛ́mɔwɛne, ofikyɛ ɛmɔnze kyẽa horɛ bɔ ɛmɔ Awurade kɔwa ɔ.

Mateo 25:13

“Yiti ɛ́mɔwɛne, ɔnate kyɛ ɛmɔnze kyẽa ne anaa dɔnhwere ne [bɔ Sona Awa ne kɔwa ɔ.]”

Mateo 26:41

Ɛ́mɔwɛne ná ɛ́mɔbɔ mbaeɛ, ná ɛmɔangɔ nzɔhwɛ nu. Sunzum ne kuro de, nakoso anwoɔnaen ne yɛ mmerɛ.”

Mateo 6:13

Nnɛfa yɛ kɔ nzɔhwɛ nu, Na mmom ye yɛ fi bɔne nu.’ [Ofikyɛ wɔ yeɛ ahennie ne tumi ne animnyam ɔte wɔ deɛ daa daa ɔ. Amen.]

Marko 14:34

Na osele bɛ kyɛ, “Me kra wora abɔ paa kɔ ewue nu; ɛ́mɔtena wa, ná ɛ́mɔwɛne!”

Marko 14:37

Na ɔwale oonwuni bɛ kyɛ balela, na obisale Petro kyɛ, “Simɔn, alafe hɔ ɔ? Angora anwɛne dɔnhwere komapɛ po?

Marko 14:39

Osa hɔle ɔɔbɔle mbaeɛ, na ɔhane edwirɛ komapɛ ne ala.

Luka 21:36

Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

Luka 22:40

Na odwuli berɛ nen, osele bɛ kyɛ, “Ɛ́mɔbɔ mbaeɛ ná ɛmɔangɔ nzɔhwɛ nu!”

Luka 22:46

Na osele bɛ kyɛ, “Nzu ati yeɛ ɛmɔdafe ye? Ɛ́mɔdwɔso bɛ́bɔ mbaeɛ ná ɛmɔangɔ nzɔhwɛ nu.”

1 Korintofoɛ 16:13

Ɛmɔwɛne, ɛmɔgyina pindinn wɔ gyidie nu, ɛ́mɔma ɛmɔ ahone yɛ se, ná ɛ́mɔmia ɛmɔ nye.

Galatiafoɛ 5:17

Ofikyɛ anwoɔnaen akɔnnɔ ko tia Sunzum ne, na Sunzum koso ko tia anwoɔnaen akɔnnɔ ne. Bɛ munyɔ benyia, yiti ɔmaa ɛmɔngora nyɔ nikyee bɔ ɛmɔkuro kyɛ ɛmɔyɔ ɔ.

Filipifoɛ 2:12

Yiti mmiɛngo paa mɔ, kyɛbɔ ɛmɔyɛ sotie daa ne, nna kyɛ mmerɛ bɔ me ne ɛmɔ yɛwɔ berɛ ne angome, na mmom afei bɔ nne ɛmɔ berɛ ye de po, ɔtra so; ɛ́mɔfa esuronyi ne anwowosowolɛ béli ɛmɔ bɔbɔ ɛmɔ ngoalelɛ nwo dwumaa ma oli mu,

1 Petro 5:8

Ɛ́mɔdwo ɛmɔ nwo ase, ɛ́mɔma ɛmɔ nye la berɛ; ofikyɛ ɛmɔ pɔfoɛ abɔnzam odi akɔneaba, opo kyɛ gyata, na ɔpena sona bɔ okonya ye kɔhye ye ɔ.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.