Marko 14:35 - AHYERƐLƐ KRONGRON

³⁵ Afei ɔhɔle ye nyunu kãa, obutuli berɛ, na ɔbɔle mbaeɛ kyɛ, sɛ ɔkɔyɛ yé a, ahaa sɔ mmerɛ ne ofi ye so hɔ.

Marko 14:35 Iomraidhean Croise

Gyenesise 17:3

Afei Abram fale ye nyunu butuli berɛ, na Nyameɛ sele ye kyɛ,

2 Aberɛso Dwirɛ 7:3

Na Yisraelfoɛ amukoraa benwuni kyɛ see ɔtɔ gua ase, ɔne kyɛ AWURADE animnyam amundu asɔneyɛɛ sua ne aso nen, bɛkotole bɛfale bɛ nyunu bebutuli ase, na bɛsɔnene AWURADE bɛlale ye ase kyɛ, “Ɔte paa, na ye ɔdɔ bɔ onni ngasi ne, ɔwɔ berɛ daa.”

Mateo 26:39

Na ɔhɔle ye nyunu moa kãa nen, ɔfale ye nyunu butuli berɛ bɔle mbaeɛ kyɛ, “Me Baba, sɛ ɔkɔyɛ yee a, ma sɔ kulie he ofi me so hɔ! Nakoso nna bɔ mepena hɔ ɔ, na mmom bɔ ɛpena ɔ.”

Mateo 26:45

Yeɛ osa wale asuafoɛ nemɔ nwo berɛ, na osele bɛ kyɛ, “Yiti ɛmɔtɛda, ɛmɔtɛde ɛmɔ nwome? Ɛ́mɔnea! Mmerɛ ne adwu bɔ bɛbaaye Sona Awa ne bewura bɔnefoɛ mɔ sa ɔ.

Marko 14:41

Osa wale ye pɛen nza so, na osele bɛ kyɛ, “Ɛmɔtɛda, ɛmɔtɛde bɛ nwome? Wayɛ yee! Mmerɛ ne adwu! Ɛ́mɔnea, bɛ́ye Sona Awa ne béwura bɔnefoɛ sa.

Luka 22:41

Na ɔhwene ye nwo fili bɛ nwo berɛ hɔle ye nyunu moa kãa nen, obuli ndwerɛ bɔle mbaeɛ kyɛ,

Yohane 12:23

Na Yesu buale bɛ kyɛ, “Mmerɛ ne aso kyɛ bɛhyɛ sona Awa ne animnyam ɔ.

Deuteronomi 9:18

Na ndole me nwo nyele aseɛnwo berɛ mvale me nyunu mutuli AWURADE nyunu, eleburanna, eyia ne kɔngɔen, kyɛbɔ nyɔle ye daa ne. Na ɔnate ɛmɔ bɔne amukoraati bɔ ɛmɔyɔle, bɔ ɔtte mayee wɔ AWURADE nyunu maa ɔfɛle yaa ne ati, mannidi, yeɛ manno hwee.

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.

Nyekyire 4:10

mbanyi aburanyɔ ne nna nemɔ bɛfa bɛ nyunu bebutubutu bɔ ɔte ahennie bia ne aso ne nyunu berɛ, na bɛsɔne bɔ ɔte ase afebɔɔ ne; na betutu b’abotire nemɔ begua ahennie bia ne nyunu bɛkã kyɛ,

Nyekyire 5:14

Na abɔdeɛ ateasefoɛ nna nemɔ sele kyɛ, “Amen.” Yeɛ mbanyi nemɔ bɛfale bɛ nyunu bebutubutuli berɛ bɛsɔnene [bɔ ɔte ase afebɔɔ ne].