Marko 14:21 - AHYERƐLƐ KRONGRON

²¹ Sona Awa ne ɔ́kɔ kyɛbɔ bahyerɛ bafa ye nwo ne, nakoso kuro sona bɔ ɔkɔye Sona Awa ne kɔma ne de, ye yaakɔ! Sɛ banwo sɔ sona ne po a, ahaa ɔte paa ma ye!”

Marko 14:21 Iomraidhean Croise

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Edwein 55:15

Ma ewue ɔte pe bɛ so; maa bɛhɔ ɛborɔ anyekaenn so, ofikyɛ bɔne wɔ b’awuro ne b’afia.

Yesaya 52:14

Na kyɛbɔ ɔyɛle mmeni pee bɔ benwuni ye ne nwanwa, ofikyɛ ye nyunu mengyemengyele, bɔ né onzoma sona, bɔ né ye sona sue deɛ onzoma kuro sona deɛ ne ati,

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Mateo 26:54

Na ɔkɔyɛ sɛɛ né Ahyerɛlɛ ne awa nu kyɛ, odi kyɛ sɔ yeɛ osi ɔ?”

Mateo 26:56

Na ɛhe amukoraa asi, amaa ɔnate so bɔ ngɔmhyɛlɛfoɛ nemɔ bahã ye wɔ Ahyerɛlɛ ne anu ne wawa nu.” Yeɛ asuafoɛ nemɔ amukoraati bɛyakyili ye berɛ bɛnwatili.

Marko 14:20

Na obuale bɛ kyɛ, “Mmenia buru ne nyɔ ye anu ko, bɔ ɔne me to asaa didi wɔ talie nu ye, ye ɔ.

Marko 14:22

Na bedidi nen, Yesu fale paanoo, oyirale so, obubuli nu, ɔfa mane bɛ, na osele kyɛ, “Ɛmɔle, ɛhe te me nwonaen.”

Marko 14:49

Né me ne ɛmɔ yɛwɔ asɔneyɛɛ sua ne anu meyɛ ngyerɛkyerɛ daa, nakoso ɛmɔangye me; na Ahyerɛlɛ ne, kyɛbɔ ɔkɔwa nu ti ɔ.”

Luka 22:22

Nahorɛ nu, Sona Awa ne ɔ́kɔ kyɛbɔ bahyehyɛ ne, nakoso sona bɔ ɔkɔye ye kɔma ne de, ye yaakɔ!”

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 19:28

Na ɛhe asi ne, bɔ Yesu nwuni kyɛ wanya wayie nikyee biala nen, (kyɛbɔ ɔkɔyɛ bɔ Ahyerɛlɛ ne kɔwa nu ne ati), ɔhane kyɛ, “Nzuhɔen ku me.”

Asomafoɛ 1:25

kyɛ ɔyɛ asomafoɛ adwuma ne osi Yudase, bɔ ofili yɛ nu tele ye nwo hɔle nekaa bɔ ɔsɛ kyɛ ɔkɔ ɔ ne gya nu.”

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 4:27

Ɔte nahorɛ, Herode ne Pontio Pilato ne Amaenmaensofoɛ ne Yisrael maen beyiale sɔ kuro he anu bɛbɔle wɔ Ɛwa Krongron Yesu bɔ apopa ye ngoo ne ti so porɛ.