Marko 14:2 - AHYERƐLƐ KRONGRON

² Na bɛhane kyɛ, “Yɛngɔyɔ sɔ wɔ aluolue ne abo, anyɔ a né mmenia bayɔ basabasa wɔ maen ne anu.”

Marko 14:2 Iomraidhean Croise

Anyandera 19:21

Kuro sona fa ye adwene yɛ nhyehyɛleɛ pee, nakoso bɔ AWURADE ahyehyɛ ne yeɛ okogyina ɔ.

Anyandera 21:30

Nworɛ anaa nimdeɛ anaa foɛtulɛ biala nne berɛ bɔ ɔkɔhora kogyina AWURADE nyunu ɔ.

Awuye 3:27

Ɔte paa ma sona kyɛ ɔkɔfa kɔnnua ne kɔto ye kɔme nu wɔ ye mmerandeɛ nu ɔ.

Mateo 26:2

“Kyɛbɔ ɛmɔse ne, waha elenyɔ né Abɔtra aluolue ne adwu, na bɛkɔye Sona Awa ne bɛkɔma maa bɛkɔbɔ ye mmeamudua nu.”

Mateo 26:5

Na bɛhane kyɛ, “Yɛngɔyɔ sɔ wɔ aluolue ne abo, anyɔ a né mmenia ayɔ basabasa wɔ maen ne anu.”

Marko 11:18

Na asɔfo mbanyi ne ahyerɛlɛfoɛ nemɔ bɛtele sɔ dwirɛ ne nen, bɛpenane atee bɔ bɛkɔfa so bekohu ye ɔ; nakoso né besuro ye, ofikyɛ ye ngyerɛkyerɛ ne yɛle ɛlɔen ne amukoraa nwanwa.

Marko 11:32

Yeɛ sɛ yɛkã kyɛ ‘Ofi mmenia berɛ’ a,’ ” — Né besuro mmenia ne, ofikyɛ né bɛ mukoraa bebu Yohane kyɛ ɔte ngɔmhyɛlɛniɛ amba.

Marko 14:1

Né waha elenyɔ maa bedi Abɔtra ne Paanoo Kabrɛdi aluolue ne. Na asɔfo mbanyi ne ahyerɛlɛfoɛ nemɔ bɛpenane atee bɔ bɛkɔfa so bɛkɔhye Yesu kudɛɛ, ná bahu ye ɔ.

Marko 14:3

Na mmerɛ bɔ né Yesu wɔ Betania, wɔ Simɔn kwataniɛ n’awuro berɛ, bɔ ɔtenane ase kyɛ odidi nen, braa bie bɔ otira towaa nyɔboɛ serɛ, bɔ sakyeɛfona nyɔboɛ serɛ wɔ nu ɔ wale berɛ. Ɔbɔle towaa ne, na otutuli sakyeɛfona ne guale Yesu ti so.

Luka 20:6

Yeɛ sɛ yɛkã kyɛ, ‘Ofi mmenia berɛ’ a, mmenia ne amukoraa bɛkɔboro yɛ nyɔboɛ; ofikyɛ bede bedi amba kyɛ Yohane te ngɔmhyɛlɛniɛ.”

Luka 22:1

Né Paanoo Kabrɛdi aluolue bɔ bɛfrɛ ye Abɔtra ne wapingye.

Yohane 12:19

Yeɛ Farasiifoɛ nemɔ sisele bɛ nwo kyɛ, “Yeɛ ɛmɔanwu kyɛ ɛmɔngɔhora bɛngɔyɔ ye nwo huu! Ɛ́mɔnea, kyɛ ewiase atu bi waali ye si ɔ.”

Yohane 7:40

Na mmenia ne tele sɔ dwirɛ nen, bɛ nu biemɔ hane kyɛ, “Ngɔmhyɛlɛniɛ ne ɛhe amba!”