Marko 13:9 - AHYERƐLƐ KRONGRON

⁹ Nakoso ɛmɔ de, ɛ́mɔla ɛmɔ nwo so, ofikyɛ bɛkɔye ɛmɔ bɛkɔma mbanyi badwa, na bɛkɔbo ɛmɔ wɔ nyianu sua mɔ nu. Na ɔnate me ti bɛkɔfa ɛmɔ bekoogyina amrado mɔ ne ahemvo nyunu, na ɛmɔkoli adanzeɛ bekohyire bɛ.

Marko 13:9 Iomraidhean Croise

Mateo 5:22

Na mekã mekyire ɛmɔ kyɛ, ebiala bɔ ɔkɔfɛ oliɛma so yaa nen, okoli fɔ wɔ ndɛenbualɛ nu; ebiala bɔ okose oliɛma kyɛ ɔte sona mbaen nen, okoli fɔ badwa nyunu. Ebiala bɔ okose kyɛ, ‘Wɔ kwaseambane’ nen, okoli fɔ, na ɔkɔhɔ abɔnzam see nu.

Marko 1:44

na osele ye kyɛ; “Nea, nnɛbɔ so kyire ebiala, na mmom kɔ, ná fa wɔ nwo kohyire ɔsɔfo, ná fa wɔ nwo filɛ ayɛyɛdeɛ bɔ Mose hyɛle ne kɔ, ná ɔyɛ adanzeɛ ma bɛ.”

Marko 13:5

Na Yesu hyɛle ye bo hã hyirele bɛ kyɛ, “Ɛmɔnea yé na ebiala annakalaka ɛmɔ.

Marko 13:8

Na maen kodwɔso kotia maen, ahennie kodwɔso kotia ahennie, aseɛwosolɛ kosisi nekaa ahoroɔ, yeɛ ɛhɔen [ne ɛhawo] kɔwa, Na ɛhemɔ amukoraa bɛte aworɛ nu yealɛ bɔ oli moa ne.

Marko 6:11

Na nekaa biala bɔ berɛ ama bengole ɛmɔ, anaa bengotie ɛmɔ dwirɛ nen, sɛ ɛmɔfi berɛ bɛkɔ a, ɛ́mɔporoporo ɛmɔ gya bo mvuture bégua berɛ ma ɔyɛ adanzeɛ hyire bɛ.”

Luka 9:5

Na nekaa bɔ berɛ ama bengole ɛmɔ ne, sɛ ɛmɔfi kuro berɛ bɛ́kɔ a, ɛ́mɔporoporo ɛmɔ gya bo mvuture bégua berɛ ma ɔyɛ adanzeɛ hyire bɛ.”

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Yohane 16:2

Bekotu ɛmɔ bekofi nyianu sua mɔ nu. Ye po mmerɛ bie ɔ́ba, bɔ ebiala bɔ okohũ ɛmɔ ne, ɔkɔdwene kyɛ ɔyɔ sɔ fa so Nyameɛ.

Asomafoɛ 21:11

Na ɔwale yɛ nwo berɛ ne, ɔfale Pɔɔlo abɔsoɛ ne kyekyele ye bɔbɔ ye gya ne ye sa, na ɔhane kyɛ, “Kyɛ Sunzum Krongron ne kã hɔ ɛhe: ‘Sona bɔ ye abɔsoɛ ɛhe ne, sɔ ala yeɛ Yudafoɛ kɔkyekye ye wɔ Yerusalem ná bafa ye bawura Amaenmaensofoɛ sa ɔ.’ ”

Asomafoɛ 7:54

Mmerɛ bɔ badwafoɛ ne tele edwirɛ bɔ Setefano hane nen, b’ahone huli paa, na bɛnwosene bɛ gye behyirele ye; ofikyɛ né bafɛ ye so yaa paa.

Asomafoɛ 9:16

Na ngohyire ye amaneɛ bɔ me dumaa ti odi kyɛ onwu ye ɔ.”

Filipifoɛ 1:29

Ofikyɛ ɛmɔ de, bafa balo ɛmɔ kyɛ ɔnate Kristo ti, nna kyɛ ɔsɛ kyɛ ɛmɔde ye bedi ngome, na mmom ɔsɛ kyɛ ye ti ɛmɔnwu amaneɛ koso;

2 Tɛsalonika 1:5

Na ɛhe kyire kyɛ Nyameɛ ndɛenbualɛ te turoloo, bɔ ɔkɔma ɛmɔ kɔfata Nyameɛ ahennie bɔ yiti yeɛ ɛmɔnwu amaneɛ ne.

2 Yohane 1:8

Ɛ́mɔnea ɛmɔ nwo yé, amaa bɔ ɛmɔafɛ banya ye ne wamvi ɛmɔ sa, na mmom ɛmɔanya ye nwo akatuaa mukoraa.

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 2:13

[Mese wɔ nnwumaa], mese nekaa bɔ ɛte ɔ, nekaa bɔ Satan ahennie bia gyi ne; nakoso atira me dumaa ne anu bum, na ambo me gyidie ne, mmerɛ bɔ behuni m’adanzeniɛ nahorɛniɛ Antipa wɔ ɛmɔ berɛ ne po, nekaa bɔ Satan te ne.