Marko 13:8 - AHYERƐLƐ KRONGRON

⁸ Na maen kodwɔso kotia maen, ahennie kodwɔso kotia ahennie, aseɛwosolɛ kosisi nekaa ahoroɔ, yeɛ ɛhɔen [ne ɛhawo] kɔwa, Na ɛhemɔ amukoraa bɛte aworɛ nu yealɛ bɔ oli moa ne.

Marko 13:8 Iomraidhean Croise

2 Aberɛso Dwirɛ 15:6

Bɛ nu tetele. Maen ho tiale maen, yeɛ kuro ho tiale kuro, ofikyɛ Nyameɛ mane ɛhawo ahoroɔ wale bɛ so.

Edwein 48:6

Bɛ nwo wosowosole bɛ wɔ berɛ, na bɛfale yealɛ nu kyɛ brasua bɔ aworɛ ahã ye ɔ.

Yesaya 19:2

Ngɔkanyane Misraimfoɛ maa bekodwɔso bekotia Misraimfoɛ, bɛkɔho, aliɛmaa ne aliɛmaa bɛkɔho, abiɛngoɛ ne abiɛngoɛ bɛkɔho, kuro ne kuro bɛkɔho, na ahennie ne ahennie bɛkɔho.

Yesaya 29:6

Asafo AWURADE kɔɔpasa wɔ nwo: Ɔkɔfa agralaa, aseɛwosolɛ ne dededede kandinga, mvrama bɔ ɔpɛ ye nwo, mvrama piri ne see wuronyiwuronyi yeɛ ɔkɔwa ɔ.

Yesaya 37:3

Na besele ye kyɛ, “Hesekia nwa: ‘Ɛnɛ te aworabɔlɛ kyẽa, asohwenɛ ne animguaseɛ kyẽa. Mmrasua afo aworɛ so, nakoso bennya anwoserɛ bɛmva bɛndwe bɛ nwo.

Yeremia 13:21

Sɛ ɔtwe wɔ so a, nzikyɛ dwirɛ yeɛ ɛkɔhã ɔ? Ofikyɛ atete bɛ maa bayɛ safohene mɔ ɔne wɔ so panyi. Aso ɛngɔte yealɛ kyɛ brasua bɔ wafo aworɛ so ɔ?

Yeremia 22:23

Ao, wɔ bɔ ɛte Lebanon bɔ anwo wɔ saen wɔ sida mmakaa nu ɔ, sɛ aworɛ nu yealɛ ba wɔ so kyɛbɔ aworɛ nu yealɛ kã brasua a, kyɛbɔ ekosi kɔbɔ awuye ɔ!”

Yeremia 25:32

Asafo AWURADE nwa nyoo: Tie, musue piri ne ɔkɔtrɛ kofi maen so koodwu maen so, na mvrama piri bɔ ɔpɛ ye nwo ne okotu kofi aseɛ ne noa dɔ mɔ paa!

Yeremia 4:31

Ofikyɛ mate esuɛ bie bɔ ɔte kyɛ brasua bɔ wafo aworɛ so ɔ deɛ, ɔne ɛpenenɛ bɔ ɔte kyɛ brasua bɔ ɔwo ye bamuɛbaa ɔ, ye deɛ. Sion awa brasua ɔtee so, bɔ watrɛtrɛ ye sa nu ɔbɔ awuye kyɛ, “Edwirɛ ato me oo! Ɔnate awudifoɛ ti, me kra aboto!”

Yeremia 49:24

Damasko ayɛ hodwoo, wakakyi ye nwo kyɛ ɔnwati, ahunundetelɛ atɔ ye so, yealɛ ne aworabɔlɛ ato ye kyɛ brasua bɔ wafo aworɛ so ɔ.

Yeremia 50:43

“Babilɔn hene ate bɛ nga, na ye abasa nu ayɛ hodwoo; ahunundetelɛ atɔ ye so, ɔte yealɛ kyɛ brasua bɔ wafo aworɛ so ɔ.

Yeremia 6:24

Yate sɔ dwirɛ ne, y’abasa nu agoho; ahunundetelɛ atɔ yɛ so, na yɛnwu yealɛ kyɛ brasua bɔ wafo aworɛ so ɔ.

Hagae 2:22

Ngogu ahennie mɔ bɛ bia mɔ bɔkɔɔ; ngɔsɛkye maen maen mɔ b’ahennie anwoserɛ; ngɔhã teaseɛnam mɔ ne teaseɛnamhanɛfoɛ mɔ ngogua; mbɔngɔ ne pɔngɔhanɛfoɛ nemɔ kofifi ase, na ebiala kɔtɔ wɔ obiɛngo ngrandɛ noa.

Sakaria 14:13

Sɔ kyẽa ne, AWURADE kɔma ahunundetelɛ piri kɔtɔ bɛ so, maa ɔnate so ebiala kɔpari kɔsɔ obiɛngo sa, na bɛkɔbobɔ bɛ nwo.

Mateo 24:8

Na ɛhemɔ amukoraa bɛte aworɛ nu yealɛ bɔ oli moa ne.

Marko 13:7

Na sɛ ɛmɔte koɛ mɔ ne koɛ mɔ nwo ngunga a, nnɛmɔma ɛmɔ kunu tete ɛmɔ; ofikyɛ odi kyɛ ɛhemɔ sisi, nakoso né ayieleɛ ne onnya oddwuli.

Marko 13:9

Nakoso ɛmɔ de, ɛ́mɔla ɛmɔ nwo so, ofikyɛ bɛkɔye ɛmɔ bɛkɔma mbanyi badwa, na bɛkɔbo ɛmɔ wɔ nyianu sua mɔ nu. Na ɔnate me ti bɛkɔfa ɛmɔ bekoogyina amrado mɔ ne ahemvo nyunu, na ɛmɔkoli adanzeɛ bekohyire bɛ.

Asomafoɛ 11:28

Bɛ nu ko bɔ bɛfrɛ ye Agabo fale Sunzum Krongron tumi so hyɛle ngɔm kyɛ ɛhɔen pirikua bie baawa ewiase amukoraa. Sɔ hɔen ne wale Klɔdio Kaesare aberɛ so.

1 Tɛsalonikafoɛ 5:3

Na mmerɛ bɔ mmenia kɔhã kyɛ, “Yɛle asomdwee ne anwotɔ” nen, yeɛ ewue kɔto bɛ mvum nu kyɛ koɛhalɛ bɔ ɔka brasua bɔ wafo aworɛ so ɔ, na bengonya bɛ ti bengodidi nu.

Nyekyire 6:4

Na pɔngɔ foforɛ kɔkorɛ gonn bie yele ye ti, na bɛmane bɔ ɔte ye so ne tumi kyɛ ɔye asomdwee fi aseɛ so, ná behũhũ bɛ nwo bɛ nwo, na bɛmane ye ngrandɛ pirikua bie.