Marko 13:7 - AHYERƐLƐ KRONGRON

⁷ Na sɛ ɛmɔte koɛ mɔ ne koɛ mɔ nwo ngunga a, nnɛmɔma ɛmɔ kunu tete ɛmɔ; ofikyɛ odi kyɛ ɛhemɔ sisi, nakoso né ayieleɛ ne onnya oddwuli.

Marko 13:7 Iomraidhean Croise

2 Samuel 14:14

Ewue de, yɛ mukoraa yɛkowu. Yɛte kyɛ nzue bɔ bahwie bagua ase, bɔ bɛsesa a ɔnyɛ yé ɔ. Nyameɛ de, ɔnga mogya ngua, na mmom ebiala bɔ ɔne ye b’afia atete ne, ole nhyehyɛleɛ bɔ ɔnate so osa twe ye bata ye nwo ɔ.

Edwein 112:7

Onzuro ahunundetelɛ dwirɛ; ye adwene si ye pi, na ye wora wura AWURADE nu.

Edwein 27:3

Sɛ ɛlɔen kyekye asikyeleɛ kyɛ bɛbaafa koɛ bɛtoa me po a, me kunu ngɔtete me; sɛ bɛfa koɛ bɛbateta me po a, ngogyina pindinn.

Anyandera 3:25

Nnɛsuro mvum nu ahunundetelɛ, anaa asane bɔ ɔto bɔnefoɛ ɔ.

Yesaya 8:12

“Nikyee biala bɔ maen he frɛ ye ‘bɛ ti so porɛbɔlɛ’ nen, nnɛma ɛmɔfrɛ ye sɔ bie; yeɛ bɔ besuro ne koso, nnɛma ɛmɔsuro bie, yeɛ nnɛma ɛmɔsuro.

Yeremia 51:46

Nnɛmɔma ɛmɔ kunu tete ɛmɔ, yeɛ nnɛma ɛmɔsuro wɔ edwirɛ mɔ bɔ ɛmɔtete ye wɔ aseɛ ne aso ne anwo, sɛ afoɛ ko ɛmɔtete edwirɛ a, ye si ye afoɛ bieku ɛmɔsa bɛtete dwirɛ; basabasayɔlɛ kɔ so wɔ aseɛ ne aso, na bɔ ole tumi ɔ dwɔso tia ebie bɔ ole tumi ɔ.

Mateo 18:7

Ɔnate sundiduatolɛ ti, ewiase ye yaakɔ! Ɔyɛ sɛɛ ala a sundiduatolɛ kɔwa; nakoso sona bɔ ɔnate ye so sundiduatolɛ kɔwa ne de, ye yaakɔ!

Mateo 2:3

Na ɛhene Herode tele edwirɛ he nen, ɔhale ye, Yerusalemfoɛ amukoraa koso sɔ ala.

Marko 13:6

Ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole ye,’ na bɛkɔlakalaka mmenia pee.

Marko 13:8

Na maen kodwɔso kotia maen, ahennie kodwɔso kotia ahennie, aseɛwosolɛ kosisi nekaa ahoroɔ, yeɛ ɛhɔen [ne ɛhawo] kɔwa, Na ɛhemɔ amukoraa bɛte aworɛ nu yealɛ bɔ oli moa ne.

Yohane 14:1

“Nnɛmɔma ɛmɔ wora bɔ! Ɛmɔ de, ɛmɔle Nyameɛ beli, ná ɛmɔle me koso beli.

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Asomafoɛ 17:3

Ohyirehyirele nu lili ye nwo adanzeɛ kyɛ, né ɔsɛ kyɛ Kristo ne nwu amaneɛ na odwɔso fi awufoɛ nu. Na ɔhane kyɛ, “Sɔ Yesu he bɔ mekã ye nwo dwirɛ mekyire ɛmɔ ne, ye ole Kristo ne.”