Marko 13:24 - AHYERƐLƐ KRONGRON

²⁴ “Na sɔ mmerɛ ne anu amaneɛnwunɛ ne asi ne, eyia kɔkakyi awosii, na ɛsraen ngɔta,

Marko 13:24 Iomraidhean Croise

Yesaya 13:10

Ofikyɛ ewienu nzramaa ne nzramaa kure kure mɔ bɛngɔta, eyia pukye a, ɔkɔyɛ tunn, yeɛ ɛsraen koso ngɔta.

Yeremia 4:28

Ɔnate sɔ ne ati, aseɛ kɔbɔ awuye, na ewienu anwuro anwuro kɔkakyi tunn, ofikyɛ madwudwo, mayɛ m’adwene; mengɔsesã m’adwene, yeɛ mengosa me si.

Hesekiel 32:7

Sɛ menua wɔ boso a, ngɔkata ewienu, na ngɔma nzramaa mɔ kɔyɛ tunn; ngɔfa munungum ngɔkata eyia nyunu, na ɛsraen ngɔta.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Daniel 7:10

See bɔ ɔsẽ kyɛ asue ɔ opu wale, opu fili ye nyunu berɛ wale, apee apee sole ye, yeɛ apee buru apee buru buburugyaa gyinagyinane ye nyunu; ndɛenbualɛ badwa ne tenane ase, na bebukyebukyele nwomaa nemɔ anu.

Yoel 2:10

Aseɛ woso wɔ bɛ nyunu, anwuro kekã; eyia ne ɛsraen yɛ tunn, na nzramaa yakyi talɛ.

Yoel 3:15

Eyia ne ɛsraen bakakyi awosii, ná nzramaa nemɔ bayakyi talɛ.

Amose 5:20

Aso AWURADE kyẽa ne ɔngɔyɛ awosii? Aso ɔngɔyɛ awosii tuu bɔ hyireinn nne nu ɔ?

Marko 13:23

Yiti ɛ́mɔla ɛmɔ nwo so, ofikyɛ mali moa mahã ye mukoraa mahyire ɛmɔ dada.

2 Petro 3:10

Nakoso Awurade kyẽa ne kɔwa kyɛ awueniɛ ba [kɔngɔen] ɔ. Na nu yeɛ anwuro kɔbɔ nu kurudududu serɛserɛ kotu komini. See kɔma ewienu abɔdeɛ mɔ kohuro, na aseɛ ne so nningyein amukoraa kɔyera.

2 Petro 3:12

wɔ mmerɛ bɔ ɛmɔnwondɛ ná ɛmɔpere kyɛ Nyameɛ kyẽa ne kɔwa ndɛ ɔ. Nu yeɛ see kɔtɔ anwuro nu kɔyera ye, na see kɔma ewienu abɔdeɛ mɔ kohuro.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.