Marko 13:21 - AHYERƐLƐ KRONGRON

²¹ “Na sɛ ebie kã kyire ɛmɔ kyɛ, ‘Nea, Kristo ne wɔ wa!’ anaakyɛ, ‘Nea, ye yeɛ ɔwɔ dɔ ne!’ a, nnɛma ɛmɔde bedi.

Marko 13:21 Iomraidhean Croise

Mateo 24:5

Ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole Kristo ne,’ na bɛkɔlakalaka mmenia pee.

Marko 13:20

Na sɛ Awurade ande sɔ ngyẽa ne aso a, ahaa ongole sona biala ngoa; nakoso ɔnate bɛ bɔ waneanea nu waye bɛ, bɔ ɔsale nu yele bɛ ne ati, wate ngyẽa ne aso.

Marko 13:22

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mɔ, na sɛ ɔkɔyɛ yee a, bɛkɔlakalaka bɛ bɔ Nyameɛ aneanea nu waye bɛ ne po.

Luka 21:8

Yeɛ Yesu buale kyɛ, “Ɛ́mɔla ɛmɔ nwo so ná bannakalaka ɛmɔ; ofikyɛ mmenia pee bele me dumaa bɛkɔwa bɛkɔɔhã kyɛ, ‘Me ole ye,’ ɔne kyɛ ‘Mmerɛ ne adwu!’ Yiti nnɛma ɛmɔdi bɛ si.

Yohane 5:43

Me Baba dumaa nu yeɛ mmale ɔ, nakoso ɛmɔnne me bɛndo nu; na sɛ ebie ba ye bɔbɔ ye dumaa nu a, ye de ɛmɔkole ye bɛkɔto nu.