Marko 13:19 - AHYERƐLƐ KRONGRON

¹⁹ Ofikyɛ, amaneɛnwunɛ bɔ ɔkɔwa sɔ mmerɛ ne anu ne, ofi mmerɛ bɔ Ɛdangama Nyameɛ bɔle aleɛ bɔ ɔbaadwu ɛnɛ ɔ, ye sɛso ɔwwale le, na sɔ bieku koso ngɔwa le.

Marko 13:19 Iomraidhean Croise

Awuye 1:12

“Ɛmɔ bɔ ɛmɔpɛ nu wa amukoraa, aso ɔmva ɛmɔ nwo? Ɛ́mɔnea ná ɛ́mɔnwu ye, sɛ aworabɔlɛ bie wɔ berɛ, bɔ ɔte kyɛ m’aworabɔlɛ bɔ wato me ye, bɔ AWURADE aprapra wagua me so, wɔ ye yaafɛlɛ piri kyẽa ne anu ye.

Awuye 2:13

Ao Yerusalem awa brasua, nzikyɛ yeɛ nga mva nni wɔ nwo adanzeɛ ɔ? Nzikyɛ yeɛ mva ndoto wɔ nwo ɔ? Ao Sion awa brasua ababunu, nzikyɛ yeɛ mma ɛne ye bɛsɛ ɔ, amaa ɔnate so makyekye wɔ wora ɔ? Ofikyɛ w’asefinɛ ne te piri kyɛ ɛpo, na nwa yeɛ ɔkɔhora kɔsa wɔ anwonyerɛ ɔ?

Awuye 4:6

Ofikyɛ me maen awa brasua, ye amumuyɛɛ nwo asohwenɛ ne, ɔte piri tra Sodom ye bɔne nwo asohwenɛ deɛ; Sodom bɔ bɛsɛkyele ye mvum nu, bɔ ebiala wandwe ye sa wɔ ye so ɔ.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Daniel 9:12

Na ye dwirɛ bɔ ɔhane kyɛ ɔkɔmaa ɔkɔwa yɛ ne yɛ maenbulɛfoɛ bɔ bɛlale yɛ noa ne aso, kyɛ ɔkɔprapra amaneɛ kandinga kogua yɛ so ne, wamaa wawa nu; ofikyɛ bɔ wamaa wato Yerusalem ne, ebie ɔwwale wɔ ewiase nekaa biala le.

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Mateo 24:21

Ɔnate kyɛ, amaneɛnwunɛ piri bɔ ɔkɔwa ne, ofi mmerɛ bɔ Ɛdangama bɔle wiase bɔ ɔbaadwu ɛnɛ ɔ, ye sɛso ɔwwale le, na sɔ bieku koso ngɔwa le.

Marko 10:6

Ɔnate kyɛ, ofi mmerɛ bɔ Ɛdangama bɔle aleɛ ɔ, ‘bienzua ne brasua yeɛ Nyameɛ bɔle bɛ ɔ.’

Marko 13:18

Na ɛ́mɔbɔ mbaeɛ ná wanzi wɔ prakasua mmerɛ.

Marko 13:20

Na sɛ Awurade ande sɔ ngyẽa ne aso a, ahaa ongole sona biala ngoa; nakoso ɔnate bɛ bɔ waneanea nu waye bɛ, bɔ ɔsale nu yele bɛ ne ati, wate ngyẽa ne aso.

Deuteronomi 28:59

ye de AWURADE kɔprapra amaneɛ bɔ ye noa yɛ hye kogua wɔ ne wɔ bosofoɛ so: amaneɛ pirikua bɔ ɔkɔhyɛ ɔ, ɔne anwonyerɛ tɛɛ koangɔ.

Deuteronomi 4:32

“Wɔ de, kaye daa tete mmerɛ bɔ wapɛ nu wahɔ ne, fite mmerɛ bɔ Nyameɛ bɔle kuro sona tole aseɛ so ɔ, ná bisa fite ewiase ye ti kɔha ye ti nea, sɛ edwirɛ pirikua sɔaa bie asi le, anaakyɛ bate ebie nwo mbopoleɛ po le a?

Nyekyire 7:14

Na mmuale ye kyɛ, “Me mene, wɔ yeɛ ɛse ɔ.” Na osele me kyɛ, “Ɛhemɔ ole bɛ bɔ bafa amaneɛ piri ne anu bafite, ná bapo bɛ ndaadeɛ maa wayɛ fufue wɔ Boaen Ba ne mogya nu ɔ.