Marko 13:14 - AHYERƐLƐ KRONGRON

¹⁴ “Na sɛ ɛmɔnwu akyiwadeɛ bɔ ɔbɔ maen ne, kyɛ ogyi nekaa bɔ ɔnzɛ kyɛ ogyina a, (bɔ ɔkenga ne, maa ɔte ye bo), ye de, bɛ bɔ bɛwɔ Yudea ne, odi kyɛ bɛnwati bɛkɔ mmokaa nemɔ aso;

Marko 13:14 Iomraidhean Croise

Awuye 1:10

Pɔfoɛ ne, watengyɛ ye sa wɔ ye nningyein nyemene ne amukoraa so, na wanwu kyɛ maenmaensofoɛ nemɔ, bɔ ahyɛ bɛ kyɛ nnɛmaa bɛkɔ wɔ badwa ne anu ne, bahɔ ye nekaa krongron ne anu.

Hesekiel 44:9

“Yiti AWURADE Nyameɛ nwa nyoo: Amanvoraniɛ biala, bɔ ɔmbɛ ye bienzua wɔ ahone nu ne anwoɔnaen nu, amanvrafoɛ amukoraa bɔ baafra Yisraelfoɛ nu ne, onni kyɛ bewura me nekaa krongron ne anu.

Daniel 11:31

Ɔkɔma ye koɛhonɛfoɛ mɔ bɛkɔfa efiɛ bɛkɔhã nekaa krongron ne, bɔ ɔte anwoserɛ ne; bɛkɔbera daa biala naen yeralɛ afɔleɛ ne, na bekogyina akyiwadeɛ bɔ ɔbɔ maen ne.

Daniel 12:11

Na ofi mmerɛ bɔ bɛkɔbera daa biala naen yeralɛ afɔleɛ ne, ɔne mmerɛ bɔ bekogyina akyiwadeɛ bɔ ɔbɔ maen ne nen, ɔkɔyɛ ngyẽa apee ko ɛyaa nyɔ ne aburahona.

Daniel 8:13

Yeɛ ndele kyɛ krongronniɛ bie odwudwo, na krongronniɛ ko koso bisale bɔ odwudwole ne kyɛ, “Daa biala naen yeralɛ afɔleɛ ne, musuebɔlɛ mmeraatolɛ ne, nekaa krongron berɛ bɔ waali ye sa ne, yeɛ ɛlɔen ne bɔ otiatiale bɛ so ne nwo nyekyire ne, mmerɛ beni yeɛ ɔkɔhɔ so koodwu ɔ?”

Daniel 9:27

Ɔne mmeni pee bɛkɔyɛ apam kitii afoɛ nzoo. Na afoɛ nzoo ne, ye bue ko, ɔkɔbera ngaka afɔleɛbɔlɛ ne aleɛ afɔleɛbɔlɛ. Busueniɛ ne, ɔkɔfa akyiwadeɛ amoen ne kosie asɔneyɛɛ sua ne anu, kɔpem kyɛ ɛsɛkyelɛ mmerɛ bɔ Nyameɛ ahyehyɛ ato berɛ ama busueniɛ ne ɔkɔto ye ɔ.

Mateo 13:51

Yesu bisale bɛ kyɛ, “Ɛmɔate ɛhemɔ amukoraa bo anaa?” Na bebuale ye kyɛ, “Yoo, AWURADE.”

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

Nyekyire 1:3

Na ebiala bɔ ɔkenga nyekyire ne kyire, ɔne bɛ bɔ betie, ná betira bɔ bahyerɛ ye wɔ nu ne anu ne, ɔte saleɛ ma bɛ; ofikyɛ mmerɛ ne apingye.

Nyekyire 13:18

Ɛhe hia ma nworɛ. Ebiala bɔ ole ndeaseɛ ne, ɔsɛ kyɛ ɔsesẽ kaka ne ngondaa ne, ofikyɛ ɔte sona ngondaa, na ye ngondaa ne te ɛyaa nzia ne aburasia ne nzia.