Marko 13:13 - AHYERƐLƐ KRONGRON

¹³ Ɔnate me dumaa ti, mmenia mukoraa bɛkɔpɔ ɛmɔ, nakoso bɔ okotindim koodwu ayieleɛ nen, ye yeɛ bekole ye ngoa ɔ.

Marko 13:13 Iomraidhean Croise

Daniel 12:12

Na sona bɔ ɔkɔnwondɛ toonn okoodwu ngyẽa apee ko ɛyaa nza ne aburasa ne nnu ne aso nen, ɔte saleɛ ma ye.

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Mateo 24:9

“Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Marko 13:12

Aliɛmaa kɔye aliɛmaa kɔma maa bekohu ye, seɛ kɔye baa kɔma, na mmaa kodwɔso kotia awofoɛ, ná bamaa bahu bɛ.

Luka 21:17

Na ɔnate me dumaa ti, mmenia mukoraa bɛkɔpɔ ɛmɔ;

Luka 6:22

“Ɛmɔanya saleɛ, wɔ mmerɛ bɔ mmenia bɛpɔ ɛmɔ, bɛyɛ ɛmɔ nyeyemuɛ, bɛbɔ ɛmɔ alapaa, ná bɛpo ɛmɔ dumaa kyɛ ɔte musue nikye, ɔnate Sona Awa ne ati.

Yohane 15:21

Na ɔnate me dumaa ti bɛkɔfa ɛhemɔ amukoraa bekoli ɛmɔ, ofikyɛ bɛnze bɔ ɔsomane me ne.

Yohane 17:14

Mafa wɔ dwirɛ ne mama bɛ; na wiase apɔ bɛ, ofikyɛ nna wiase yeɛ befi ɔ, kyɛbɔ me koso mmvi wiase ne.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

Galatiafoɛ 6:9

Yiti nnɛmɔma yɛfɛ paayɛlɛ nwo; ofikyɛ sɛ yamba aba a, yɛkonya ye nwo saleɛ wɔ mmerɛ bɔ ɔsɛ ɔ nu.

Hebrifoɛ 10:39

Nakoso yɛ de, yɛbboka mmenia bɔ besa bɛ si bɛkɔ sɛkyelɛ nu ne aso; na mmom yɛboka bɛ bɔ bede bedi ná bɛ kra nya daa ngoa ne aso.

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

1 Yohane 3:13

Aliɛmaa mɔ, sɛ ewiase pɔ ɛmɔ a, nnɛmɔma ɔyɛ ɛmɔ nwanwa.

Nyekyire 2:10

Nnɛsuro amaneɛ biala bɔ ɛbaanwu ye ɔ. Tie, abɔnzam kɔfa ɛmɔ nu biemɔ kogua kuku nu, kyɛ ɔfa so ɛmɔ nea, na ɛmɔkonwu amaneɛ eleburu. Di nahorɛ kodwu ewue nu, na ngɔma wɔ ngoa abotire.

Nyekyire 3:10

Na ɔnate kyɛ ali m’animia dwirɛ so ne ati, me koso ngɔbɔ wɔ nwo waen ngofi nzɔhwɛ mmerɛ bɔ ɔbaawa wiase amukoraa so ne anu, nzɔhwɛ bɔ ɔbaaso aseɛ ye aso ama nea ne.