Marko 12:9 - AHYERƐLƐ KRONGRON

⁹ “Nzikyɛ nikye yeɛ bobe boo mene ne ɔkɔyɔ ɔ? Ɔkɔwa koohu hwɛsofoɛ nemɔ, ná wafa bobe boo ne wawura mmenia foforɛ sa.

Marko 12:9 Iomraidhean Croise

Yesaya 29:17

Aso nna mmerɛ kãa bie yeɛ waha ɔ bɔ Lebanon kɔkakyi aseɛ bɔ ɔkye aleɛ ɔ, bɔ bekobu aseɛ bɔ ɔkye aleɛ koso kyɛ ɛhɔayeɛ ɔ?

Yesaya 65:15

Na me mmenia bɔ mapa nu maye bɛ ne, ɛmɔ dumaa bɔ ɛmɔkɔyakyi ye berɛ ne, ɔkɔyɛ b’amonwaa dwirɛ, na AWURADE Nyameɛ kohũhũ ɛmɔ; nakoso ye somvoɛ mɔ de, ɔkɔto bɛ dumaa foforɛ;

Yeremia 17:3

Ao, me bokaa bɔ ɛwɔ eburo ɔ, ɔnate wɔ bɔne asɔneyɛɛ mɔ bɔ bɛwɔ w’aseɛ ne amukoraa so ne ati, ngɔfa wɔ nningyein ne w’agyapadeɛ amukoraa ngɔmaa bɛkɔfẽ bɛkɔfa.

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Mateo 12:45

Na ɔkɔ kɔfa sunzum nzoo foforɛ bɔ bedi bɔne bɛtra ye ɔ ɔboka ye nwo so ɔne bɛ ba, na bɛbawura nu bɛtena berɛ. Na sɔ sona ne, ye asetena bɔ oli nziɛ ne te bɔne asetena tra daa ne. Na sɔ ala yeɛ ɔkɔto ɛnɛmmafoɛ bɔnefoɛ he ɔ.”

Mateo 21:34

Na mmerɛ bɔ bobe telɛ dwuli nen, ɔsomane ye somvoɛ mɔ maa bɛhɔle hwɛsofoɛ nemɔ berɛ kyɛ beele ye mmakaammaa deɛ bɛbrɛ ye.

Mateo 21:43

“Ɛhe ati, mekã mekyire ɛmɔ kyɛ, bekole Nyameɛ ahennie ne bekofi ɛmɔ sa nu bɛkɔfa bɛkɔma maen bɔ bekosu ahennie ne anu mmaa ɔ. [

Mateo 22:7

Na ɛhene ne tele ne, ye ahone huli, na ɔsomane ye asraafoɛ maa beehuhuni sɔ awudifoɛ nemɔ, na bɛyerale bɛ kuro.

Marko 12:10

Aso ɛmɔkkenngale Ahyerɛlɛ he le, kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ,

Marko 12:8

Yiti bɛhyele ye behuni ye, na befindini ye bɛtole bobe boo ne asi dɔ.

Luka 19:27

Na me pɔfoɛ mɔ bɔ né bɛmbene so kyɛ medi bɛ so hene ne de, ɛ́mɔfa bɛ bɛbra wa beehu bɛ me nyunu wa!’ ”

Romanfoɛ 10:20

Afei Yesaya sili ye ahone hane kyɛ, “Bɛ bɔ bambena me si atee ne, banwu me, na maye me nwo ali mahyire bɛ bɔ bammisa me boso ɔ.”

Yosua 23:15

Nakoso, nningyein paa bɔ AWURADE ɛmɔ Nyameɛ fa hyɛle ɛmɔ bɔ ne, kyɛbɔ ye mukoraa awa nu ne, sɔ ala yeɛ (sɛ ɛmɔanni nahorɛ a), AWURADE kɔma edwirɛ tɛɛ amukoraa kɔto ɛmɔ ɔ, kɔpem kyɛ okohũhũ ɛmɔ kofi aseɛ paa he bɔ AWURADE ɛmɔ Nyameɛ wafa wama ɛmɔ ne aso ɔ.