Marko 12:6 - AHYERƐLƐ KRONGRON

⁶ Afei né waha ye sona ko: ɔte ɔwa bɔ ɔla ye ahone nwo ɔ. Nziɛ ye, ɔsomane ye bɛ berɛ, na osele kyɛ, ‘Mma ne de, bɛkɔfa anidie bɛkɔma ye.’

Marko 12:6 Iomraidhean Croise

Gyenesise 22:12

Na ɔhane kyɛ, “Nnɛfa wɔ sa ka akwadaa ne, yeɛ nnɛyɔ ye hwee, ofikyɛ afei de manwu kyɛ esuro Nyameɛ, na amva ɛwa komapɛ twe ne ammɔ me aheɛ.”

Gyenesise 22:2

Na Nyameɛ sele kyɛ, “Fa ɛwa ne, ɛwa komapɛ twe Yisake, bɔ ɔla w’ahone nwo ne, kɔ Moria aseɛ so, ná fa ye bɔ naen yeralɛ afɔleɛ wɔ berɛ, wɔ mmokaa nemɔ nu ko bɔ ngohyire wɔ ne aso.”

Gyenesise 37:3

Né Yisrael kuro Yosef dwirɛ tra ye mma mɔ ngaa ne amu, ofikyɛ ɔte ye nworowaa nu ba. Yiti ɔpale ataadeɛ tendenn bie mane ye.

Gyenesise 44:20

Na yɛbuale yɛ mene kyɛ, ‘Yoo, yɛ baba tɛ wɔ berɛ, wayɛ aworowaa. Yɛle aliɛmaa kãa ko wɔ berɛ, yɛ baba ye aworowaa nu baa ɛne; oni awa deɛ awu maa waha ye ngome, na ye baba kuro ye dwirɛ paa.

Edwein 2:12

Ɛmɔbrɛ ɛmɔ nwo ase bɛma Baa ne, ná wamvɛ yaa ama ɛmɔanwuwu atunu, ofikyɛ ye ahone kohu ndɛndɛ. Bɛ bɔ bɛfa bɛ wora bewura AWURADE nu ne, bɛ mukoraa benya saleɛ.

Edwein 2:7

Ngɔfa AWURADE ahyɛdeɛ ne ngɔto dwaa: Osele me kyɛ, “Mma ole wɔ, ɛnɛ mawo wɔ.

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 11:27

Me Baba afa nningyein amukoraa awura me sa; na ebiala nze Baa ne, sana Baba ne; yeɛ ebiala nze Baba ne, sana Baa ne ne ebiala bɔ Baa ne kuro kyɛ ɔda ye adi kyire ye ɔ.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Mateo 26:63

Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

Mateo 3:17

na yieee, edwudwolɛ bie fili nyameɛso wale kyɛ, “Mma bɔ ɔla m’ahone nwo ná me nye gye ye nwo paa ne ɛhe.”

Marko 1:11

Na komviɛ bie fili nyameɛso sele kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Marko 12:5

Na ɔsomane somvoɛ foforɛ bieku, na ye de, behuni ye; na foforɛ pee bɔ osa somane bɛ ne wora, bɛbole ebiemɔ, yeɛ ebiemɔ wora behuni bɛ.

Marko 12:7

Nakoso sɔ hwɛsofoɛ nemɔ sisele bɛ nwo kyɛ, ‘Bɔ odi ye bia ne ɛhe; ɛmɔbra ma yɛhu ye, ná agyapadeɛ ne ɔyɛ yɛ deɛ!’

Marko 9:7

Yeɛ munungum bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ne ɛhe, ɛmɔtie ye!”

Luka 3:22

na Sunzum Krongron dwu wale ye so wɔ anwoɔnaen tebea nu, kyɛ abubure, na edwudwolɛ bie fili nyameɛso hane kyɛ, “Wɔ ole Mma bɔ mekuro wɔ dwirɛ bɔ ɛsɔ me nye paa ɔ.”

Luka 9:35

Afei edwudwolɛ bie fili munungum ne anu hane kyɛ, “Ɛhe ole Mma bɔ maneanea nu maye ye ne; ɛ́mɔtie ye!”

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Yohane 1:18

Ebiala nnwuni Nyameɛ le; sana Baa komapɛ twe ne, bɔ ɔla Baba n’ahone nwo ne, na ye yeɛ wala ye ali wahyire ɔ.

Yohane 1:34

Me bɔbɔ manwu ye, na medi adanzeɛ kyɛ ye ole Nyameɛ Awa ne.”

Yohane 1:49

Nataneɛl buale kyɛ, “Rabi, wɔ ole Nyameɛ Awa ne! Wɔ ole Yisrael Hene ne!”

Yohane 3:35

Baba ne kuro Baa ne dwirɛ, na wafa nningyein mukoraa wawura ye sa.

Yohane 5:23

kyɛ mmenia amukoraa beli Baa ne ni, kyɛbɔ bedi Baba ne ni nen. Na ebiala bɔ onni Baa ne ni nen, onni Baba ne bɔ ɔsomane ye ne koso ni.

Hebrifoɛ 1:6

Nakoso mmerɛ bɔ Nyameɛ baasoma ye bamuɛbaa ne maa ɔba wiase ne de, ɔhane kyɛ, “Ɔsɛ kyɛ Nyameɛ abɔfo mukoraa bɛsɔne ye.”

1 Yohane 4:9

Kyɛbɔ Nyameɛ yele ye dɔ ne ali wɔ yɛ nu ɛhe: Nyameɛ somane Ɔwa komapɛ twe ne maa ɔwale wiase, amaa ɔnate ye so yanya ngoa.

3 Yohane 1:1

Krataa ye fi me bɔ nde panyi berɛ. Mefa mebrɛ Gayɔso bɔ mekuro ye dwirɛ wɔ nahorɛ nu ɔ.