Marko 12:36 - AHYERƐLƐ KRONGRON

³⁶ Ofikyɛ Dawide bɔbɔ nate Sunzum Krongron so hane kyɛ, ‘Awurade sele me Mene kyɛ: Tena me sa famaa so, kodwu kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.’

Marko 12:36 Iomraidhean Croise

2 Samuel 23:2

AWURADE Sunzum fa me so dwudwo, ye noa dwirɛ wɔ me temverema so.

Nehemia 9:30

Afoɛ pee yeɛ enyane bɛ nwo aboterɛ ɔ, na ɛnate wɔ Sunzum so fale wɔ ngɔmhyɛlɛfoɛ so bɔle bɛ kɔkɔ; nakoso bandie. Yiti ɛfale bɛ wurale aseɛ nemɔ aso ama bɛ sa.

Edwein 110:1

AWURADE sele me mene kyɛ, “Tena me sa famaa so kɔpem kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.”

Mateo 5:35

anaa aseɛ, ɔnate kyɛ ɔte ye gya ndiasoɛ; anaa Yerusalem, ɔnate kyɛ ɔte Ɛhene berembɔn ne kuro.

Asomafoɛ 1:16

“Aliɛmaa mɔ, odi kyɛ ahyerɛlɛ bɔ Sunzum Krongron ne fale Dawide so hane ne ba nu wɔ Yudase nwo. Sɔ Yudase ne yeɛ olili bɛ bɔ bɛhyele Yesu ne nyunu ɔ.

Asomafoɛ 28:25

Bɛ ne bɛ nwo anyɛ adwene; na anzana bɛbaafi berɛ bɛkɔ ne, Pɔɔlo ha hyirele bɛ kyɛ “Edwirɛ bɔ Sunzum Krongron ne nate ngɔmhyɛlɛniɛ Yesaya so ha hyirele ɛmɔ nana mɔ ne te nahorɛ turoloo!

1 Korintofoɛ 15:25

Ofikyɛ ɔsɛ kyɛ odi hene maa okodwu kyɛ ɔkɔfa ye pɔfoɛ mukoraa kɔyɛ ye gya bo ndiasoɛ ɔ.

2 Timoteo 3:16

Ahyerɛlɛ ne amukoraa fi Nyameɛ nwomeɛ nu yeɛ ɔwale ɔ, na ɔte paa ma ngyerɛkyerɛ, ɔma sona nwu ye mvomsoɛ, bɛfa bɛtengyɛtengyɛ sona, na bɛfa bɛtete sona wɔ tenenee atee so,

Hebrifoɛ 1:13

Na abɔfo mɔ nu beni yeɛ Nyameɛ ahã ahyire ye le kyɛ, “Tena me sa famaa so kodwu kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ?”

Hebrifoɛ 4:7

Yiti Nyameɛ asa ahyɛ kyẽa foforɛ ato berɛ bɔ bɛfrɛ ye “Ɛnɛ” ɔ. Na afoɛ pee asi ne, ɔfale Dawide so hane edwirɛ bɔ bali moa bahã ne kyɛ, “Ɛnɛ, sɛ ɛmɔte Nyameɛ dwudwolɛ a, nnɛma ɛmɔyɛ asoserɛ.”

1 Petro 1:11

Bɛbɔle mmɔden kyɛ bekonwu mmerɛ horɛ, anaa mmerɛ ahoroɔ mɔ bɔ Kristo Sunzum bɔ né ɔte bɛ nu ne ɔda ye ali ɔ, mmerɛ bɔ olili moa lili Kristo amaneɛnwunɛ nwo adanzeɛ, ɔne animnyam bɔ ɔtoa so ne.

2 Petro 1:21

ofikyɛ ngɔmhyɛlɛ biala wamva kuro sona pɛ so wamma le, na mmom Nyameɛ mmenia krongron bedwudwole, kyɛbɔ Sunzum Krongron ne ɔkanyane bɛ ɔ.