Marko 12:3 - AHYERƐLƐ KRONGRON

³ Na hwɛsofoɛ nemɔ hyele ye bɛbole ye, na bɛmaa osa hɔle nzanza.

Marko 12:3 Iomraidhean Croise

1 Ahemvo 18:13

Me mene, aso ɛttele bɔ nyɔle ɔ; kyɛ mmerɛ bɔ Yesebɛl okũkũ AWURADE ngɔmhyɛlɛfoɛ ne, mvale AWURADE ngɔmhyɛlɛfoɛ ɛyaa ko mveale aburannu aburannu wɔ nyɔboɛ bɔ wasi sua ɔ nu, ná mmane bɛ aleɛ ne nzue ɔ?

1 Ahemvo 18:4

Mmerɛ bɔ Yesebɛl okũkũ AWURADE ngɔmhyɛlɛfoɛ nemɔ ne, Obadia fale ngɔmhyɛlɛfoɛ ɛyaa ko, ɔhyɛle bɛ nu aburannu aburannu, ɔfale bɛ ɔɔfeale nyɔboɛ bɔ wasi sua ɔ nu, na né ɔma bɛ aleɛ ne nzue.)

1 Ahemvo 19:10

Obuale kyɛ, “Matu me nwo masie berɛ kyɛ meko mema AWURADE Asafo Nyameɛ, ofikyɛ Yisraelfoɛ bahwi bafa w’apam ne aso, badwiri w’afɔleɛ bokyea mɔ bagua ase, yeɛ bele ngrandɛ bahũhũ wɔ ngɔmhyɛlɛfoɛ mɔ. Waha me ngome twe, na bɛpena me beku me.”

1 Ahemvo 19:14

Obuale kyɛ, “Matu me nwo masie berɛ kyɛ meko mema AWURADE Asafo Nyameɛ, ofikyɛ Yisraelfoɛ bahwi bafa w’apam ne aso, badwiri w’afɔleɛ bokyea mɔ bagua ase, yeɛ bele ngrandɛ bahũhũ wɔ ngɔmhyɛlɛfoɛ mɔ. Waha me ngome twe, na bɛpena me beku me.”

1 Ahemvo 22:27

Na kã kyire bɛ kyɛ, ‘Nana nwa nyoo: Ɛ́mɔfa akoaa he bɛto kuku nu, na ɛmɔte ye aleɛ ne ye nzue so, kɔpem kyɛ ngofi koɛ ye noa ngosa ngɔwa asomdwee nu ɔ.’ ”

2 Aberɛso Dwirɛ 16:10

Asa fɛle biaa bɔ ɔse ase ne aso yaa, na Asa bɔle ye panwu fale ye tole kuku nu, ofikyɛ edwirɛ ne mane Asa fɛle yaa paa. Afei sɔ mmerɛ ne, Asa tanene maen ne anu ama nemɔ bie nye.

2 Aberɛso Dwirɛ 36:16

Nakoso bɛhɔle so bɛgorole Nyameɛ ɛbɔfoɛ nemɔ anwo, bamva ye dwirɛ banyɛ huu, na bɛserele ye ngɔmhyɛlɛfoɛ nemɔ alaa kɔpem kyɛ AWURADE ɛyaa piri bɔ wafɛ ye wɔ ye maen so ne, ɔhɔle anwuro maa né bɛyɔ ye nwo hwee a ɔnyɛ yé ɔ.

Nehemia 9:26

“Nakoso bɛyɛle asoserɛ, na bɛyɛle wɔ nwo lɔen, bɛfale wɔ mmeraa ne bɛtole ahameɛ, na wɔ ngɔmhyɛlɛfoɛ bɔ bɛbɔle bɛ kɔkɔ kyɛ besa beeli wɔ si ne, behuhuni bɛ maa ɔnate so bɛbɔle musue mbiri mbiri paa.

Yeremia 2:30

Ɛhwenɛ bɔ mahwe ɛmɔ mma mɔ bɛ so ne, wayɛ mbaen, bande fo. Ɛmɔ bɔbɔ ɛmɔ ngrandɛ yeɛ wahũ ɛmɔ ngɔmhyɛlɛfoɛ kyɛ gyata bɔ ye nye aboro ɔ.

Yeremia 20:2

Yeɛ Pasure bole ngɔmhyɛlɛniɛ Yeremia, na ɔbɔle ye panwu wɔ Benyamin anoa piri bɔ opingye AWURADE awuro berɛ ne, ye sorɔ dɔ.

Yeremia 29:26

‘AWURADE afa wɔ wali sɔfo maa asi ɔsɔfo Yehoada gya nu, kyɛ ɛnea AWURADE awuro ne aso, ná ebiala bɔ wabɔ laen, nakoso ɔyɛ ye nwo ngɔmhyɛlɛniɛ ne, ɛ́bɔ ye panwu, ná égua ye ngɔnzɔngɔnzɔ.

Yeremia 44:16

“Edwirɛ bɔ ahã ahyire yɛ wɔ AWURADE dumaa nu ne, yɛngotie wɔ dwirɛ ne.

Mateo 15:22

Na yieee, Kanaanniɛ braa bie bɔ ofi mbɔtam berɛ ɔ wale, na ɔteane nu kyɛ, “O Awurade, Dawide Awa, nwu me anwumvoin, na sunzummɔne bie ɔha mma brasua paa.”

Marko 12:2

Na bobe mmaa telɛ dwuli ne, ɔsomane ye somvoɛ ko maa ɔhɔle hwɛsofoɛ nemɔ berɛ, kyɛ oole bobe boo ne anu mmaa ne bie wɔ bɛ berɛ ɔbrɛ ye.

Marko 12:4

Osa somane somvoɛ foforɛ maa ɔhɔle bɛ berɛ, na ye wora bɛbɔle ye fɛɛ, na beguale ye nyunu ase.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

1 Tɛsalonikafoɛ 2:15

Bɛ yeɛ behuni Awurade Yesu ne bɛ bɔbɔ bɛ ngɔmhyɛlɛfoɛ nemɔ ɔ, ná bɛtanene yɛ nye maa yɛnwatili ɔ. Bɛnzɔ Nyameɛ nye, yeɛ bɛko betia mmenia amukoraa.