Marko 12:28 - AHYERƐLƐ KRONGRON

²⁸ Na ahyerɛlɛfoɛ nemɔ nu ko bɔ ɔtele kyɛ besu aporowaa, ná onwuni kyɛ Yesu abua bɛ yé ne, oobisale Yesu kyɛ, “Mmeraa dwirɛ beni yeɛ ye nwo hia paa ɔ?”

Marko 12:28 Iomraidhean Croise

Mateo 19:18

Na obisale ye kyɛ, “Nu beni?” Yeɛ Yesu buale kyɛ, “Nnɛdi awue, nnɛsɛkye agyaa, nnɛwua, nnɛdi adanzewia.

Mateo 23:23

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔtua ɛmeɛ, ɛmanyire ne ɛkaberɛ so buru nu ngyɛmuɛ ko, nakoso ɛmɔnni mmeraa ne anu dwirɛ bɔ ohia paa ne aso, bɔ ye ole pɛpɛɛpɛyɛlɛ, anwumvoinnwunɛ ne gyidie. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Mateo 5:19

Yiti ebiala bɔ ɔkɔto mmeraa ne anu kaaba ko bɔ ɔwɔ nu po, ná okohyirehyire mmenia kyɛ bɛyɔ sɔ bie nen, bɛkɔfrɛ ye kwahweabaa wɔ nyameɛso ahennie ne anu. Nakoso sona bɔ okoli so, ná okohyirehyire mmenia maa bekoli so bie nen, ɔkɔyɛ titire wɔ nyameɛso ahennie ne anu.

Marko 9:14

Beedwuli ye asuafoɛ nemɔ nwo berɛ nen, benwuni mmenia pembepembe bɔ bapɛ bɛ nwo bayia ɔ, yeɛ ahyerɛlɛfoɛ mɔ kyɛ bɛne bɛ besu aporowaa ɔ.

Luka 11:42

“Ɛmɔ Farasiifoɛ, ɛmɔ yaakɔ! Ofikyɛ, ɛmɔfa ɛmeɛ, ɛmanyire ne nyaanyaa biala buru nu ngyɛmuɛ ko bɛma, nakoso ɛmɔbu bɛ nye begua pɛpɛɛpɛyɛlɛ ne Nyameɛ nwo dɔ so. Na ɛhemɔ yeɛ ahaa odi kyɛ ɛmɔyɔ ɔ, bɔ ɛmɔnyakyi ye ngaa nemɔ koso yɔlɛ ɔ.

Luka 20:39

Yeɛ ahyerɛlɛfoɛ nemɔ anu biemɔ buale kyɛ, “Kyerɛkyerɛniɛ, aye ye noa yé.”