Marko 12:26 - AHYERƐLƐ KRONGRON

²⁶ Bɔ ɔfa awufoɛ dwɔsolɛ nwo de, aso ɛmɔkkenngale ye wɔ Mose nwomaa ne anu, kyɛbɔ Nyameɛ dwudwo hyirele ye wɔ ngyɛkyerɛ ne anu kyɛ, ‘Me ole Abraham Nyameɛ, Yisake Nyameɛ ne Yakob Nyameɛ’ ne?

Marko 12:26 Iomraidhean Croise

Gyenesise 26:24

Na AWURADE yele ye nwo ali hyirele Yisake sɔ kɔngɔen ne ala, na osele ye kyɛ, “Me ole wɔ baba Abraham ye Nyameɛ. Nnɛsuro, ofikyɛ ngyi wɔ si. Ɔnate m’akoaa Abraham ti ngoyira wɔ na mamaa wɔ bosofoɛ asone.”

Gyenesise 28:13

Ɛlaleɛ ne anu, né AWURADE gyi ye ti sorɔ, na osele kyɛ, “Me ole AWURADE, wɔ nana Abraham ye Nyameɛ bɔ ɔte Yisake koso ye Nyameɛ ne. Ngɔfa aseɛ he bɔ yeɛ ɛla so kekesaala ye ngɔma wɔ ne wɔ bosofoɛ.

Gyenesise 31:42

Me baba ye Nyameɛ bɔ yeɛ ɔte Abraham ye Nyameɛ, na osa te Nyameɛ bɔ Yisake suro ye ne, sɛ wangyina me si a, ahaa ɛmaa mvale nzanza ngɔle. Na Nyameɛ nwuni m’ateetee ne me fɛɛ, yiti yeɛ ɔmaa ɔhane wɔ nyunu anoma kɔngɔen ne.”

Gyenesise 32:9

Na Yakob bɔle mbaeɛ kyɛ, “O me nana Abraham Nyameɛ bɔ ɛte me baba Yisake Nyameɛ, O AWURADE bɔ esele me kyɛ, ‘Sá kɔ wɔ maen nu ne wɔ mmenia berɛ, na ngogyina wɔ si’ ɔ,

Gyenesise 33:20

Osili afɔleɛ bokyea berɛ, na ɔfrɛle ye Ɛl Elohe Yisrael.

Ɛksadɔso 3:16

Kɔ! Kɔboaboa Yisrael mbanyi mɔ noa, ná kã kyire bɛ kyɛ, ‘AWURADE ɛmɔ nana mɔ Nyameɛ ne, Abraham Nyameɛ ne, Yisake Nyameɛ ne, Yakob Nyameɛ ne, waye ye nwo ali wahyire me. Ɔnwa: ‘Maanea ɛmɔ, na manwu nikyee bɔ bɛfa bɛyɔ ɛmɔ wɔ Misraim ne.

Marko 12:10

Aso ɛmɔkkenngale Ahyerɛlɛ he le, kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ,

Marko 12:25

Sɛ bedwɔso befi awufoɛ nu a, bengya, yeɛ bɛmva ebie bɛmma agyaa, na mmom bɛte kyɛ nyameɛso abɔfo mɔ.

Luka 20:37

Na ɔfa awufoɛ dwɔsolɛ nwo de, Mose koso maa yɛnwu ye wɔ ngyɛkyerɛ ne nwo dwirɛ ne anu, mmerɛ bɔ ɔfrɛ Awurade kyɛ: Abraham Nyameɛ, Yisake Nyameɛ ne Yakob Nyameɛ’ ne.

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

Romanfoɛ 11:2

Nyameɛ de, ɔppole ye maen bɔ onwuni bɛ siele dada ne. Aso ɛmɔnze edwirɛ bɔ Ahyerɛlɛ ne kã fa Elia nwo, kyɛbɔ ɔbɔle Yisrael kwaadu hyirele Nyameɛ ne?