Marko 12:24 - AHYERƐLƐ KRONGRON

²⁴ Na Yesu buale bɛ kyɛ, “Aso nna ɛselɛ bɔ ɛmɔnze Ahyerɛlɛ ne ne Nyameɛ tumi ne ati yeɛ wamaa ɛmɔafõ ɔ?

Marko 12:24 Iomraidhean Croise

Gyenesise 18:14

Aso nikyee bie wɔ berɛ bɔ ɔyɛ se ma AWURADE hɔ ɔ? Na mmerɛ bɔ mahyɛ ne, afoɛ bieku bekye sɔa ala, ngosa ngɔwa wɔ wa, na Sara konya baa bienzua.”

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Yesaya 26:19

W’awufoɛ mɔ bekonya ngoa, bɛ fuin nemɔ bekotingye. O ɛmɔ bɔ ɛmɔla nnɛterɛ nu ɔ, ɛ́mɔdwɔso bɛ́to dwein beli ahurusi! O AWURADE, wɔ bosue ne, ɔte kanea bosue, na aseɛ kɔye bɛ bɔ bawuwu ɔ kɔwa.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Daniel 12:2

Na bɛ bɔ balela wɔ aseɛnwo nnɛterɛ nu ne, bɛ nu pee kotingye, ebiemɔ kɔhɔ daa ngoa nu, yeɛ ebiemɔ wora bɛkɔhɔ animguaseɛ ne nyanzoen bɔ olle ayieleɛ ɔ nu.

Hosea 13:14

Aso mbɔ bɛ mvi ɛborɔ tumi nu anaa? Aso mbepɛ nne bɛ mvi ewue nu anaa? Wɔ, ewue, wɔ yealɛ ne wɔ ni? Wɔ, ɛborɔ, wɔ sɛkyelɛ ne wɔ ni? Anwumvoinnwunɛ atu afi me nye so.

Hosea 6:2

Elenyɔ asi, ɔkɔmaa yɛkosa yɛkonya ngoa, yoo, ye ɛlɛsa ne aso, ɔkɔpagya yɛ, na yɛkɔtena ngoa nu wɔ ye nyunu.

Hosea 6:6

Ofikyɛ anwumvoinnwunɛ yeɛ mépena ɔ, na nna afɔleɛbɔlɛ ɔ; na Nyameɛ nwo nimdeɛ mmom yeɛ mekuro metra naen yeralɛ afɔleɛ mɔ ɔ.

Hosea 8:12

Mahyerɛ me mmeraa ne anu dwirɛ apee apee pee mama ye, nakoso bebuli bɛ kyɛ amanvrafoɛ nikye.

Mateo 22:29

Yeɛ Yesu buale bɛ kyɛ, Ɛmɔafõ, ɔnate kyɛ ɛmɔnze Ahyerɛlɛ ne, anaa Nyameɛ tumi ne.

Marko 10:27

Yeɛ Yesu neane bɛ haa, na osele kyɛ, “Kuro sona bue nu de, ɔngɔhora ngɔyɛ berɛ, nakoso nna Nyameɛ bue nu ɔ; ofikyɛ Nyameɛ bue nu de, nningyein mukoraa kɔhora kɔyɛ berɛ.”

Marko 12:23

Yiti awufoɛ dwɔsolɛ ne anu, sɛ bedwɔso a, bɛ nu nwa yeɛ braa ne kɔyɛ ɔye ɔ? Ofikyɛ, mmenia nzoo ne gyale ye.”

Marko 12:25

Sɛ bedwɔso befi awufoɛ nu a, bengya, yeɛ bɛmva ebie bɛmma agyaa, na mmom bɛte kyɛ nyameɛso abɔfo mɔ.

Luka 1:37

ofikyɛ Nyameɛ de, nikyee biala nne berɛ bɔ ɔngora nyɔ ɔ.”

Yohane 20:9

Né bennya bɛttele Ahyerɛlɛ ne abo, kyɛ odi kyɛ otingye fi awufoɛ nu ɔ.

Yohane 5:39

Ɛmɔpɛnzɛpɛnzɛ Ahyerɛlɛ ne anu, ofikyɛ ɛmɔdwene kyɛ ɛmɔle daa ngoa wɔ nu; na ye ala yeɛ odi me nwo adanzeɛ ɔ.

Asomafoɛ 17:11

Na sɔ Yudafoɛ nemɔ, né b’adwene nu api tra bɛ bɔ bɛwɔ Tɛsalonika ne, ɔnate kyɛ bɛyele bɛ kunu betiele edwirɛ ne; na daa biala bɛneaneane Ahyerɛlɛ ne anu kyɛ, aso edwirɛ ne, ye ala ɛne a.

Romanfoɛ 15:4

Na nikyee biala bɔ bɛhyerɛ bɛtole berɛ tetetete ne, bɛhyerɛle maa ɔyɛle ngyerɛkyerɛ mane yɛ, kyɛ yɛfa aboterɛ ne Ahyerɛlɛ ne anu aworakyekyerɛ so yɛnya anyelasoɛ.

Ɛfesofoɛ 1:19

Mesrɛ kyɛ, ɔma ɛmɔnwu ye tumi totohyia bɔ ɔbo so ma yɛ bɔ yɛde yɛdi ne, kyɛbɔ ye anwoserɛ tumi nikyeeyɔlɛ

Filipifoɛ 3:21

na tumi bɔ ɔkora maa ɔfa nnningyein amukoraa wura ye bo ne, ɔkɔfa kɔsakyera yɛ awiɛmvoɛ nipadua ne maa ɔkɔyɛ kyɛ ye animnyam nipadua ne.