Marko 12:16 - AHYERƐLƐ KRONGRON

¹⁶ Bɛfale ko bɛbrɛle ye, na obisale bɛ kyɛ, “Nwa mvonini ne dumaa yeɛ ɔwɔ so ye?” Na bebuale ye kyɛ, “Kaesare deɛ ɔ.”

Marko 12:16 Iomraidhean Croise

Marko 12:15

Nakoso Yesu nwuni bɛ nyaatwom nen, obisale bɛ kyɛ, “Nzu ati yeɛ ɛmɔbaatetɛ me noa ɔ? Ɛ́mɔfa denare ko bɛbrɛ me ma nnea.”

Marko 12:17

Yeɛ Yesu sele bɛ kyɛ, “Nzaade ɛ́mɔfa Kaesare deɛ bɛ́ma Kaesare, ná ɛ́mɔfa Nyameɛ deɛ bɛ́ma Nyameɛ.” Na ye nwo yɛle bɛ nwanwa.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”

Nyekyire 3:12

Na bɔ odi ngonim ne, ngɔyɛ ye bonima wɔ me Nyameɛ asɔneyɛɛ sua ne anu; na ongofi nu ngofite ko. Na me Nyameɛ dumaa, ɔne me Nyameɛ kuro dumaa, bɔ ɔte Yerusalem foforɛ ne, bɔ ofi nyameɛso ɔba ase fi me Nyameɛ berɛ, ɔne me dumaa foforɛ ne, ngɔhyerɛ ngogua ye nwo.