Marko 12:11 - AHYERƐLƐ KRONGRON

¹¹ Awurade yeɛ wayɔ ɛhe ɔ, na ɔyɛ nwanwa wɔ yɛ nye so’?”

Marko 12:11 Iomraidhean Croise

Gyenesise 24:50

Na Laban ne Betuel bebuale kyɛ, “Edwirɛ he fi AWURADE berɛ, yiti yɛngɔhora yɛngosi ye nwo ate.

Edwein 118:22

Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ.

Edwein 118:23

AWURADE yeɛ wayɔ ɛhe ɔ, na ɔyɛ nwanwa wɔ yɛ nye so.

Habakuku 1:5

Ɛ́mɔto ɛmɔ nye bɛ́nea maen maen nemɔ anu, ɛ́mɔma ɔyɛ ɛmɔ nwanwa ná ɛmɔ nwo dwiri ɛmɔ, ofikyɛ mebaayɔ nikyee bie wɔ ɛmɔ aberɛ so, bɔ sɛ bɛkã bekyire ɛmɔ po a, ɛmɔngole bengoli ɔ.

Numeri 23:23

Amba, bɛyyele ngonyaa biala bettiale Yakob, yeɛ bɛwwale Yisrael amoen biala. Afei bɛkɔhã bɛkɔfa Yakob ne Yisrael nwo kyɛ, ‘Nea bɔ AWURADE ayɔ ɔ!’

Mateo 21:42

Yeɛ Yesu bisale bɛ kyɛ, “Aso ɛmɔkkenngale Ahyerɛlɛ ne le, kyɛ, ‘Nyɔboɛ bɔ suasilɛfoɛ bɛpole ye ne, ye ala yeɛ waayɛ sua ne ndweasoɛ nyɔboɛ titire ɔ. Awurade yeɛ wayɔ ɛhe ɔ, na ɔyɛ nwanwa wɔ yɛ nye so?’

Asomafoɛ 2:12

Bɛ mukoraa bɛ nwo dwirili bɛ, na b’adwene yɛle bɛ naa; na bebisabisale bɛ nwo kyɛ, “Na ɛhe bo kyire sɛɛ?”

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.