Marko 12:1 - AHYERƐLƐ KRONGRON

¹ Na Yesu hyɛle ye bo dwudwo hyirele bɛ wɔ anyandera nu kyɛ, “Biaa bie yɔle bobe boo, olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Marko 12:1 Iomraidhean Croise

Yesaya 7:23

“Sɔ mmerɛ ne, nekaa biala bɔ bobe mmakaa apee ko wɔ, bɔ ye nyɔboɛ te ɛdwetɛ apee ko ne, ɔkɔkakyi agurɛ ne mmowue.

Yeremia 2:21

Nakoso nnuale wɔ kyɛ bobe paa, bɔ baneanea nu baye bafi ye mma paa nu ɔ. Na ɔyɛle sɛɛ bɔ akakyi bobe bakaa mbaen bɔ mvasoɛ nne wɔ so ɔ?

Hesekiel 20:49

Yeɛ nzele kyɛ, “Yieee, AWURADE Nyameɛ! Bɛkekã bɛfa me nwo kyɛ, ‘Aso nna anyandera nu yeɛ odwudwo e?’ ”

Mateo 13:3

Na ɔhane edwirɛ pee wɔ anyandera nu hyirele bɛ kyɛ, “Ɛ́mɔtie, kuaniɛ bie hɔle kyɛ ɔkwaapete ye bakaammaa.

Mateo 21:28

“Ɛmɔdwene ye nwo sɛ? Né biaa bie le mmaa mmienzua nyɔ; na ɔhɔle bɔ oli moa ne berɛ oosele ye kyɛ, ‘Mma, ɛnɛ kɔyɔ adwuma wɔ me bobe boo ne anu.’

Mateo 21:33

“Ɛ́mɔtie anyandera bieku! Eboo mene bie yɔle bobe boo. Olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Mateo 21:34

Na mmerɛ bɔ bobe telɛ dwuli nen, ɔsomane ye somvoɛ mɔ maa bɛhɔle hwɛsofoɛ nemɔ berɛ kyɛ beele ye mmakaammaa deɛ bɛbrɛ ye.

Mateo 25:14

“Afei koso, [nyameɛso ahennie ne,] ɔte kyɛ biaa bie bɔ né ɔbaatu atee kɔ nekaa bie, bɔ ɔfrɛle ye bɔbɔ ye ngoaa mɔ, ná ɔfale ye nningyein wurale bɛ sa ɔ.

Marko 11:33

Yiti bebuale Yesu kyɛ, “Yɛnze.” Yeɛ Yesu koso buale bɛ kyɛ, “Nzaade me koso mengɔhã tumi horɛ bɔ ngyi so meyɔ sɔ nningyein hemɔ ɔ mengohyire ɛmɔ.”

Marko 13:34

Ɔte kyɛ biaa bie bɔ otuli atee yakyili ye awuro berɛ, bɔ ɔfale ye awuro ne wurale ye ngoaa mɔ sa, bɔ ɔfale ebiala adwuma wura ye sa ngoko ngoko, ná ɔhyɛle anoa wɛmvoɛ ne kyɛ ɔwɛne ɔ.

Marko 3:23

Yiti Yesu frɛle bɛ wale ye nwo berɛ, na odwudwole wɔ anyandera nu hyirele bɛ kyɛ, “Ɔkɔyɛ sɛɛ né Abɔnzam ahora atu Abɔnzam?

Marko 4:2

Ohyirehyirele bɛ nningyein pee wɔ anyandera nu, na ye ngyerɛkyerɛ ne anu, osele bɛ kyɛ,

Luka 15:13

Na wangyɛ biala yeɛ baa kãa ne boaboale ye agyapadeɛ deɛ amukoraa noa ɔ, na otuli atee hɔle maen bɔ ɔwɔ dede bie aso, na dɔ yeɛ ɔbɔle asanzabra mane ye anwodeɛ ne fili ye sa ɔ.

Luka 19:12

Yiti osele bɛ, “Dehyeɛ bie tuli atee hɔle dedeede maen bie aso kyɛ ɔkwaamaa bɛfa ye besi hene, ná afei osa ba.

Luka 22:9

Yeɛ bebisale ye kyɛ, “Nisua yeɛ ekuro kyɛ yɛkosiesie aleɛ ne ɔ?”

Luka 8:10

Na obuale kyɛ, “Ɛmɔ de, bafa bama ɛmɔ kyɛ ɛ́mɔnwu Nyameɛ ahennie nu mvealeɛ nu dwirɛ, nakoso mmenia ngaa ne de, bafa bama bɛ anyandera nu, amaa ɔnate so banwu ye, nakoso bannwu nu, ná bate, nakoso bande ye bo.”

Asomafoɛ 7:38

Mmerɛ bɔ Yisrael ɛlɔen ne yiale ɛserɛ so nen, né Mose boka bɛ so; ɔne yɛ nana mɔ yeɛ né bɛwɔ berɛ ɔ, afei koso né ɔne abɔfo bɔ odwudwo hyirele ye wɔ Sinai Bokaa ne aso ne wɔ berɛ, na olele Nyameɛ ngoa dwirɛ ne mane yɛ.