Marko 11:33 - AHYERƐLƐ KRONGRON

³³ Yiti bebuale Yesu kyɛ, “Yɛnze.” Yeɛ Yesu koso buale bɛ kyɛ, “Nzaade me koso mengɔhã tumi horɛ bɔ ngyi so meyɔ sɔ nningyein hemɔ ɔ mengohyire ɛmɔ.”

Marko 11:33 Iomraidhean Croise

YOB NWOMAA NE 5:13

Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ, na ɔma nnakannakafoɛ bɛ porɛbɔlɛ yɛ mbaen.

Yesaya 1:3

Nandwie se ye mene, yeɛ afunum se nekaa bɔ ye mene ma ye aleɛ ɔ, nakoso Yisrael de, ɔnze, me maen ne ɔnde ye bo.”

Yesaya 56:10

Ye awɛmvoɛ nemɔ bɛ nye asi, bɛ mukoraa nimdeɛ abɔ bɛ, bɛ mukoraa bɛte ngyea mumu, bɛngora po, na laleɛhyenɛ, asefuo nu lalɛ ne nnaa yeɛ watɔ bɛ so ɔ.

Hosea 4:6

Nimdeɛ bɔ wabɔ me maen ne ati, bɛ boso konua; ɔnate kyɛ apo nimdeɛ ne ati, me koso mapo wɔ, kyɛ ɛngɔyɛ me sɔfo. Ɔnate kyɛ wɔ wora afi wɔ Nyameɛ mmeraa ne ati, me koso me wora kofi wɔ mma mɔ.

Mateo 15:14

Nnɛma ɛmɔtɛ bɛ so! Bɛte anyesiniwaafoɛ bɔ bekyire anyesiniwaafoɛ atee ɔ. Na sɛ anyesiniwaaniɛ kyire anyesiniwaaniɛ atee a, bɛ munyɔ bɛkɔtɔ kumaa nu.”

Mateo 16:4

Ɛnɛmmafoɛ bɔnefoɛ ne agyaasɛkyelɛfoɛ bɛpena sɛngyerɛnneɛ, nakoso bɛngɔma bɛ sɛngyerɛnneɛ biala, sana Yona sɛngyerɛnneɛ ne ala.” Na Yesu yakyili bɛ berɛ hɔle.

Mateo 21:27

Yiti bebuale Yesu kyɛ, “Yɛnze.” Yeɛ Yesu sele bɛ kyɛ, “Nzaade me koso mengɔhã tumi horɛ bɔ ngyi so meyɔ sɔ nningyein hemɔ ɔ mengohyire ɛmɔ.”

Marko 11:32

Yeɛ sɛ yɛkã kyɛ ‘Ofi mmenia berɛ’ a,’ ” — Né besuro mmenia ne, ofikyɛ né bɛ mukoraa bebu Yohane kyɛ ɔte ngɔmhyɛlɛniɛ amba.

Marko 12:1

Na Yesu hyɛle ye bo dwudwo hyirele bɛ wɔ anyandera nu kyɛ, “Biaa bie yɔle bobe boo, olele ye nwo bra yiale, ɔpɛle nu kumaa bɔ betwi nzaa wɔ nu ɔ, osili abandenden wɔ nu, na ɔfa wurale hwɛsofoɛ biemɔ sa, na otuli atee hɔle maen bie aso.

Yohane 3:10

Yesu buale ye kyɛ, “Ɛte kyerɛkyerɛniɛ wɔ Yisrael, yeɛ koso ɛnde ɛhemɔ bo ɔ?

Yohane 9:27

Na obuale bɛ kyɛ, “Mahã mahyire ɛmɔ dada, nakoso ɛmɔandie. Nzu ati yeɛ ɛmɔpena kyɛ betie ye bieku ɔ? Ɛmɔ koso, ɛmɔpena kyɛ ɛmɔyɛ ye asuafoɛ anaa?”

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

2 Korintofoɛ 3:15

Na ɔbaadwu ɛnɛ ye po, sɛ bɛkenga Mose nwomaa ne a, ngatanyunu ne tɛkata bɛ ndeaseɛ so.