Marko 11:23 - AHYERƐLƐ KRONGRON

²³ Nahorɛ nu, mekã mekyire ɛmɔ kyɛ, ebiala bɔ ɔkɔhã kohyire bokaa he kyɛ, ‘Tutu kɔtɔ ɛpo nu,’ ná wanzu aporowaa wɔ ye ahone nu, ná mmom okole koli kyɛ edwirɛ bɔ ɔkã ne kɔwa nu ne, ɔkɔyɛ berɛ kɔma ye.

Marko 11:23 Iomraidhean Croise

Edwein 37:4

Ma wɔ nye gye wɔ AWURADE nu, na ɔkɔma wɔ sa kɔhã bɔ w’ahone bu ɛpena ɔ.

Mateo 14:13

Yesu tele edwirɛ bɔ wasi nen, ɔfale ɛlɛen ofili berɛ hɔle nekaa bie bɔ berɛ te dinn ɔ. Nakoso ɛlɔen ne tele nen, bɛfale ase befili nguro nemɔ aso bɛpole ye.

Mateo 17:20

Na obuale bɛ kyɛ, “Ɛmɔ gyidie te kãa ti ɔ. Nahorɛ nu, mekã mekyire ɛmɔ kyɛ, sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhã bekohyire bokaa he kyɛ, ‘Tutu fi wa kɔ dɔ,’ na ye bo kotutu; na ahaa nikyee biala ngɔyɛ se ngɔma ɛmɔ.” [

Mateo 21:21

Yeɛ Yesu buale bɛ kyɛ, “Nahorɛ nu, mekã mekyire ɛmɔ kyɛ, sɛ ɛmɔle gyidie ná ɛmɔanzu aporowaa a, nna bɔ wato borɔdoma bakaa he angome yeɛ ɛmɔkɔyɔ ɔ, na mmom, sɛ ye po ɛmɔkã bekyire bokaa he kyɛ, ‘Tutu kɔtɔ ɛpo nu’ a, ɔkɔyɛ berɛ.

Luka 17:6

Na Awurade buale kyɛ, “Sɛ ɛmɔle gyidie bɔ ye piri te kyɛ sinapi baa ko a, ahaa ɛmɔkɔhora bɛkɔhã bekohyire akyea he kyɛ, ‘Wɔ bo tutu, ná kogyina ɛpo nu!’ Na okotie ɛmɔ.

Yohane 14:13

Na nikyee biala bɔ ɛmɔkɔsrɛ ye me dumaa nu ne, ngɔyɔ, amaa ɔnate so Baba ne anya animnyam wɔ Baa ne nu.

Yohane 15:7

Sɛ ɛmɔtena me nu, ná me dwirɛ tena ɛmɔ nu a, ɛmɔkobisa bɔ ɛmɔkuro biala, na ɔkɔyɛ berɛ kɔma ɛmɔ.

1 Korintofoɛ 13:2

Sɛ nne ngɔmhyɛlɛ akyɛdeɛ, ná mete mvealeɛ nu dwirɛ amukoraa ne nimdeɛ mukoraa bo, ná nne gyidie mukoraa bɔ ɔmaa mekora metutu mmokaa bo, nakoso nnne ɔdɔ a, né nnde huu.