Marko 11:17 - AHYERƐLƐ KRONGRON

¹⁷ Afei ɔyɛle ngyerɛkyerɛ sele bɛ kyɛ, “Aso bɛhhyerɛle kyɛ, ‘Bɛkɔfrɛ m’awuro maen maen amukoraa bɛ mbaeɛbɔlɛ awuro’? Nakoso ɛmɔ de, ɛmɔafa bakakyi awuefoɛ afealeɛ.”

Marko 11:17 Iomraidhean Croise

Yesaya 56:7

ngɔfa sɔ mmenia ne ngɔwa me bokaa krongron ne aso, ná mamaa banya anika wɔ me mbaeɛbɔlɛ awuro. Bɛ naen yeralɛ afɔleɛ ne b’afɔleɛ nemɔ, ɔkɔsɔ me nye wɔ m’afɔleɛ bokyea ne aso, ofikyɛ m’awuro ne, dumaa bɔ ɔkɔla so kɔma maen maen amukoraa ole mbaeɛbɔlɛ awuro.

Yesaya 60:7

Bɛkɔboaboa Kedare nyɛmmoa amukoraa noa bɛkɔbrɛ wɔ, Nebayote mmoaen nyii kɔyɛ wɔ deɛ, bɛkɔyɛ anyesɔ afɔleɛ wɔ m’afɔleɛ bokyea so, na ngɔhyɛ m’animnyam awuro ne animnyam.

Yeremia 7:11

Awuro ye bɔ me dumaa la so ye, aso wakakyi awuefoɛ afealeɛ wɔ ɛmɔ nye so anaa? Tie, me bɔbɔ manwu bɔ ɔkɔ so ɔ, AWURADE noa dwirɛ ɛne.

Hosea 12:7

Kanaan tira ngondombo tonyi, na okuro aminɛlilɛ.

Marko 11:16

na wamma ebiala ate ma wamva nningyein wambɛ nu wɔ asɔneyɛɛ sua ne anu berɛ.

Luka 19:46

na osele bɛ kyɛ, “Bahyerɛ kyɛ, ‘M’awuro te mbaeɛbɔlɛ awuro’; nakoso ɛmɔ de, ɛmɔafa bakakyi awuefoɛ afealeɛ.”

Yohane 2:14

Na asɔneyɛɛ sua ne anu berɛ, onwuni bɛ bɔ bɛtɔne nandwie ne mmoaen ne mmorɔnoma, yeɛ afei sikaasesãlɛfoɛ kyɛ bɛtete berɛ ɔ.

Yohane 2:16

Na osele bɛ bɔ bɛtɔne mmorɔnoma ne kyɛ, “Ɛ́mɔfa ɛhemɔ befi wa! Nnɛma ɛmɔfa me Baba awuro bɛkakyi dwaalilɛ awuro!”