Marko 11:13 - AHYERƐLƐ KRONGRON

¹³ Na onwuni borɔdoma bakaa bie bɔ nyaa wɔ so ɔ wɔ dedeede, na ɔhɔle kyɛ ɔkwaanea sɛ okonya ye mma ne bie wɔ so a. Nakoso odwuli ye ye nwo berɛ nen, wannwu nikye fee kyɛ nyaa ngome, ofikyɛ né borɔdoma sulɛ onnya oddwuli.

Marko 11:13 Iomraidhean Croise

Yesaya 5:2

Olele ye nwo waen, ɔyeyele so nyɔboɛ ne, oluale bobe mmaa paa wɔ nu, osili abandenden siele eboo n’afia, otuli nu kumaa bɔ okohwi bobe mmaa ne anu kɔyɔ nzaa ɔ, ɔnwondɛle kyɛ bobe ne kosu mmaa paa ɔ, nakoso ye mma bɔ osuli ne te bisii.

Yesaya 5:7

Hmmm, Asafo AWURADE bobe boo ne, ye ole Yisrael awuro ama, yeɛ Yudafoɛ wora bɛte ye boo bɔ ɔyɛ ye nyemene ɔ. Ahaa né ɔpena kyɛ onwu ndɛenbualɛ turoloo, nakoso onwu aminɛlilɛ, ahaa né ɔpena kyɛ onwu tenenee, nakoso awuyebɔlɛ yeɛ ɔte ɔ!

Mateo 21:19

Na onwuni borɔdoma bakaa bie wɔ atee ne noa, ɔhɔle ye nwo berɛ, na wannwu hwee wɔ so, sana nyaa ngome. Na osele bakaa ne kyɛ, “Engosu mmaa ko le!” Na berɛ ne ala, borɔdoma bakaa ne wuli.

Marko 11:12

Na aleɛ hyene ná befi Betania bɛba nen, ɛhɔen huni Yesu.

Marko 11:14

Na osele bakaa ne kyɛ, “Sona biala ngoli wɔ so mmaa ko le!” Na ye asuafoɛ nemɔ tele.

Luka 10:31

Na ɔwale kyɛ, ɔsɔfo bie ɔɔfale atee ne aso; na onwuni ye nen, ɔfale atee ne bue dɔ hɔle.

Rutu 2:3

Yiti Rutu sili nu hɔle. Oolili ayuotelɛfoɛ nemɔ si sesale bɔ waha ye si ne. Na ɔwale kyɛ eboo bɔ oofitele nu ne, né Elimɛlɛke abusuaniɛ Boase deɛ ɔ.

1 Samuel 6:9

Afei ɛ́mɔfa ɛmɔ nye beli ye si. Sɛ ɔfa atee ne aso ɔkɔ Bete Semese ɔkɔ ye bɔbɔ ye maen nu a, ye de AWURADE yeɛ wafa amaneɛ piri he wato yɛ so ɔ. Nakoso sɛ wangɔ dɔ a, ye de yɛkonwu ye kyɛ nna AWURADE yeɛ wafa amaneɛ piri he wato yɛ so ɔ, na mmom asane bie mbaen yeɛ wato yɛ ɔ.”