Marko 11:1 - AHYERƐLƐ KRONGRON

¹ Mmerɛ bɔ bepingyele Yerusalem, Betefage ne Betania bɔ ɔwɔ Olive Bokaa ne anwo nen, Yesu somane ye asuafoɛ nemɔ nyɔ,

Marko 11:1 Iomraidhean Croise

2 Samuel 15:30

Dawide fo hɔle Olive bokaa ne aso. Ɔfo kɔ ne, né osũ, né wakata ye ti so, yeɛ né ye gya gua ase. Mmenia bɔ bɛboka ye so ne amu bɛkatale bɛ ti so, na bɛfale esuɛ yeɛ bɛfo bɛhɔle ɔ.

Sakaria 14:4

Sɔ kyẽa ne, ye gya kogyinagyina Olive bokaa bɔ ɔwɔ Yerusalem ndendeneɛ so wɔ eyia afiteleɛ ne aso. Olive bokaa ne anu kodwa nyɔ kofi eyia afiteleɛ koodwu eyia atɔleɛ maa ɔkɔyɛ bɔnza kandinga paa, maa ɔnate so bokaa ne bue kɔhwe kɔhɔ sorɔ dɔ, ná ye bue koso wahwe wahɔ ngwaen dɔ.

Mateo 21:17

Na ɔyakyili bɛ berɛ fili kuro ne anu hɔle Betania ɔɔlale berɛ.

Mateo 24:3

Né Yesu te Olive Bokaa ne aso, na asuafoɛ nemɔ wale ye berɛ ahameɛ beesele ye kyɛ, “Kã kyire yɛ, kyinzu yeɛ ɛhemɔ bɛkɔwa nu ɔ? Na nzikyɛ yeɛ ɔkɔyɛ wɔ walɛ ne ne ewiase ayieleɛ ne nwo sɛngyerɛnneɛ?”

Mateo 26:30

Afei bɛtole ayɛyelɛ dwein, na befili berɛ bɛhɔle Olive Bokaa ne aso.

Marko 11:2

na osele bɛ kyɛ, “Ɛmɔhɔ akuraa bɔ ɔwɔ ɛmɔ nyunu dɔ ne anu. Na ɛmɔdwu berɛ pɛ a, ɛmɔkonwu afunum akrɔngrɔma bie bɔ bamenda ye, bɔ sona biala ɔttenane ye so le ɔ. Ɛ́mɔsangye ye, ná ɛ́mɔfa ye bɛbra.

Marko 13:3

Né Yesu te Olive Bokaa ne aso, wɔ asɔneyɛɛ sua ne ndendeneɛ so; na Petro, Yakobo, Yohane ne Andrea bebisale ye ahameɛ kyɛ,

Marko 14:13

Na ɔsomane ye asuafoɛ nemɔ nyɔ, na osele bɛ kyɛ, “Ɛmɔhɔ kuro ne anu dɔ, na biaa bie bɔ ɔso bua bɔ nzue wɔ nu ɔ okoyia ɛmɔ; ɛ́mɔli ye si,

Marko 6:7

Ɔfrɛle asuafoɛ buru ne nyɔ ne maa bɛwale ye nwo berɛ, na ɔhyɛle ye bo ɔsomane bɛ nyɔ nyɔ, na ɔmane bɛ sunzummɔne mɔ so tumi.

Yohane 8:1

Na Yesu hɔle Olive Bokaa ne aso.

Asomafoɛ 1:12

Afei befili Olive Bokaa bɔ opingye Yerusalem ne aso besa bɛhɔle Yerusalem. Ɔte kɔyɛ afofikyẽa ɛnatelɛ atee.