Marko 10:52 - AHYERƐLƐ KRONGRON

⁵² Na Yesu sele ye kyɛ, “Kɔ, wɔ gyidie ale wɔ!” Na berɛ ne ala onwuni nikye, na olili Yesu si wɔ atee ne aso.

Marko 10:52 Iomraidhean Croise

Edwein 146:8

AWURADE te anyesiniwaafoɛ bɛ nye, AWURADE ma bɛ bɔ baboto ɔ so, AWURADE kuro teneneefoɛ bɛ dwirɛ.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Yesaya 35:5

Na ɛhe kɔma anyesiniwaafoɛ bɛ nye kɔte, asotiniwaafoɛ bɛ so kɔte dwirɛ;

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Mateo 12:22

Yeɛ mmenia biemɔ fale biaa bie bɔ sunzummɔne wɔ ye so ná osa te anyesiniwaaniɛ ne emumu ɔ bɛbrɛle Yesu. Na ɔsale biaa ne anwonyerɛ maa ɔhora dwudwole, na osa nwuni nikye.

Mateo 15:28

Yeɛ Yesu buale ye kyɛ, “Mmobraa, wɔ gyidie te piri! Ɔ́yɛ sɔ ma wɔ kyɛbɔ ɛpena ɔ.” Na berɛ ne ala, ɔwa brasua ne tele apɔ.

Mateo 21:14

Na anyesiniwaafoɛ ne mbakye wale ye berɛ wɔ asɔneyɛɛ sua ne anu, na ɔsale bɛ anwonyerɛ.

Mateo 8:3

Na Yesu tengyɛle ye sa fa hane ye, na ɔhane kyɛ, “Mekuro, wɔ nwo fi!” Na berɛ ne ala ye kwata ne hɔle.

Mateo 9:22

Yeɛ Yesu kakyili ye nwo, na onwuni braa ne nen, osele kyɛ, “Mma brasua, ma w’ahone tɔ wɔ kunu! Wɔ gyidie ale wɔ.” Na berɛ ne ala braa ne tele apɔ.

Marko 1:31

Ɔhɔle braa ne nwo berɛ ɔɔsɔle ye sa, ɔmane ye so, na ebunu ne fili ye nwo tuli, na ɔsole bɛ wɔfoɛ.

Marko 5:34

Na Yesu sele ye kyɛ, “Mma brasua, wɔ gyidie ale wɔ; kɔ asomdwee nu, na w’anwonyerɛ ne ɔhɔ bɔkɔɔ.”

Marko 8:25

Yesu fale ye sa hane biaa ne nye bieku, ɔneane nikyee haa, na ye nye ne tele maa onwuni nikyee kaenn.

Luka 7:50

Na osele braa ne kyɛ, “Wɔ gyidie ale wɔ, kɔ asomdwee nu!”

Luka 9:48

na osele bɛ kyɛ, “Ebiala bɔ okole akwadaa he kɔto nu me dumaa nu nen, né wale me wato nu; yeɛ ebiala bɔ okole me kɔto nu nen, né wale bɔ ɔsomane me ne wato nu. Ofikyɛ, bɔ ɔte kãa paa wɔ ɛmɔ amukoraa bɛ nu ne, ye yeɛ ɔte titire paa ɔ.”

Yohane 9:32

Ofi wiase ahyɛaseɛ, yɛttele ye le kyɛ ebie ate sona bɔ bɛwole ye anyesiniwaaniɛ ɔ ye nye.

Yohane 9:39

Na Yesu hane kyɛ, “Ndɛenbualɛ ti yeɛ mmale wiase ɔ, amaa ɔnate so bɛ bɔ bennwu nikyee ne banwu nikye; ná bɛ bɔ benwu nikyee ne koso bakakyi anyesiniwaafoɛ.”

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’