Marko 10:48 - AHYERƐLƐ KRONGRON

⁴⁸ Na mmeni pee hwili ye nyunu kyɛ omua ye noa. Nakoso bekye po yeɛ ɔhɔle so teateane nu serɛserɛ paa kyɛ, “Dawide Awa ee, nwu me anwumvoin oo!”

Marko 10:48 Iomraidhean Croise

Edwein 62:12

Na wɔ, ao AWURADE, ɔdɔ bɔ onni ngasi ne te wɔ deɛ, na etua sona biala kerɛ kyɛbɔ ye nnwumaa te ɔ.

Yeremia 29:13

Ɛmɔkɔpena me si atee, na ɛmɔkonwu me, ofikyɛ ɛmɔkɔfa ɛmɔ ahone amukoraa bɛkɔpena me si atee.

Mateo 19:13

Yeɛ bɛfale ngwadaa bɛbrɛle Yesu kyɛ ɔfa ye sa gua bɛ so ɔbɔ mbaeɛ ma bɛ; nakoso asuafoɛ nemɔ dwudwole bɛ bɔ bɛfale bɛ bɛwale ne.

Mateo 20:31

Na ɛlɔen ne dwudwole bɛ kyɛ bemua bɛ noa. Nakoso bekye po yeɛ bɛteateane nu serɛserɛ bieku kyɛ, “O Awurade, Dawide Awa, nwu yɛ anwumvoin oo!”

Mateo 9:27

Yesu fili berɛ kyɛ ɔkɔ nen, anyesiniwaafoɛ nyɔ lili ye si bɛteateane nu kyɛ, “Dawide Awa, nwu yɛ anwumvoin!”

Marko 10:13

Na bɛfale ngwadaa bɛbrɛle Yesu kyɛ ɔfa ye sa gua bɛ so, nakoso ye asuafoɛ nemɔ dwudwole bɛ bɔ bɛfale bɛ bɛwale ne.

Marko 5:35

Yesu gu so odwudwo nen, bɔfoɛ biemɔ fili nyianu sua nu panyi n’awuro beesele kyɛ, “Ɛwa brasua ne awu. Nzu ati yeɛ egu so ɛha kyerɛkyerɛniɛ ye ɔ?”

Luka 18:39

Na mmenia bɔ né beli moa ne, behwili ye nyunu kyɛ omua ye noa. Nakoso bekye po yeɛ ɔhɔle so teateane nu serɛserɛ paa kyɛ, “Dawide Awa ee, nwu me anwumvoin oo!”

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

Hebrifoɛ 5:7

Mmerɛ bɔ né Yesu wɔ aseɛ ye aso wa nen, ɔfale esuɛ ne ye nye moen teateane nu fale ye mbaeɛ ne nikyeesrɛlɛ tole Nyameɛ bɔ ɔkora ye ye fi ewue nu ne nyunu, na ɔnate ye nyamesuro ti Nyameɛ tiele ye.