Marko 10:47 - AHYERƐLƐ KRONGRON

⁴⁷ Na mmerɛ bɔ ɔtele kyɛ Yesu bɔ ofi Nasarɛte ahɔ ɛne nen, ɔhyɛle ye bo teateane nu kyɛ, “Dawide Awa Yesu, nwu me anwumvoin oo!”

Marko 10:47 Iomraidhean Croise

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Mateo 1:1

Yesu Kristo, Dawide bosoniɛ, Abraham bosoniɛ ne, ye afilie nu aworɛ ndoatoasoɛ ɛhe:

Mateo 12:23

Ɔyɛle mmenia ne amukoraa nwanwa, na besele kyɛ, “Aso nna Dawide Awa ne ɛhe?”

Mateo 15:22

Na yieee, Kanaanniɛ braa bie bɔ ofi mbɔtam berɛ ɔ wale, na ɔteane nu kyɛ, “O Awurade, Dawide Awa, nwu me anwumvoin, na sunzummɔne bie ɔha mma brasua paa.”

Mateo 2:23

Na ɔhɔle kuro bie bɔ bɛfrɛ ye Nasarɛte so ɔɔtenane berɛ. Na ɛhe mane bɔ ngɔmhyɛlɛfoɛ nemɔ hane ne wale nu kyɛ, “Bɛkɔfrɛ ye Nasarɛteniɛ.”

Mateo 20:30

Na yieee, né anyesiniwaafoɛ nyɔ bɛtete atee ne noa berɛ. Na bɛtele kyɛ Yesu ɔpɛ nu ne, bɛteateane nu kyɛ, “O Awurade, Dawide Awa, nwu yɛ anwumvoin!”

Mateo 21:11

Na ɛlɔen ne buale kyɛ, “Ɛhe ole Yesu, ngɔmhyɛlɛniɛ ne bɔ ofi Nasarɛte bɔ ɔwɔ Galilea ne.”

Mateo 21:9

Na ɛlɔen bɔ beli ye nyunu ne, bɛ ne bɛ bɔ beli ye si ne, bɛbɔle ese kyɛ, “Hosana hã Dawide Awa ne! Saleɛ ole bɔ ɔnate Awurade dumaa nu ɔ́ba ye! Hosana wɔ anwuro anwuro!”

Mateo 26:71

Na ofili berɛ hɔle ngurolo ne anu dɔ ne, afaneɛ foforɛ nwuni ye, na osele bɛ bɔ bɛwɔ berɛ ne kyɛ, “Akoaa he, né ye koso ɔne Yesu Nasarɛteniɛ ne yeɛ bɛnate ɔ.”

Mateo 9:27

Yesu fili berɛ kyɛ ɔkɔ nen, anyesiniwaafoɛ nyɔ lili ye si bɛteateane nu kyɛ, “Dawide Awa, nwu yɛ anwumvoin!”

Marko 1:24

“Yesu Nasarɛteniɛ, nzikyɛ yeɛ yɛne wɔ le yɔ ɔ? Awa kyɛ ɛbaasɛkye yɛ hɔ ɔ? Mese wɔ sona sue, Nyameɛ ye Krongronniɛ ne.”

Luka 4:16

Yesu hɔle Nasarɛte, nekaa bɔ bɛtetele ye ne; na afofikyẽa ne, kyɛbɔ ɔyɔ ye daa ne, ɔhɔle nyianu sua nu. Na odwɔso gyinane berɛ kyɛ ɔbaakenga.

Yohane 1:46

Na Nataneɛl bisale ye kyɛ, “Aso nikyee paa bie kɔhora kofi Nasarɛte kɔwa?” Yeɛ Filipo buale ye kyɛ, “Bra baanea.”

Yohane 19:19

Na Pilato hyerɛle edwirɛ bie bɔle mmeamudua n’anwuro kyɛ, “Yesu, Nasarɛteniɛ, Yudafoɛ Hene Ne.”

Yohane 7:41

Yeɛ ebiemɔ koso hane kyɛ, “Kristo ne ɛhe!” Nakoso ebiemɔ hane kyɛ, “Kristo ne, Galilea yeɛ okofi kɔwa hɔ anaa?

Yohane 7:52

Na bebuale ye kyɛ, “Gyamea wɔ koso efi Galilea hɔ ɔ? Neanea Ahyerɛlɛ ne anu, na ekonwu ye kyɛ ngɔmhyɛlɛniɛ biala ngodwɔso ngofi Galilea le.” [

Asomafoɛ 6:14

ofikyɛ yɛtele kyɛ ɔkã kyɛ sɔ Yesu ne bɔ ofi Nasarɛte ne, okodwiri ɛwa kogua, ná wasa wasesã amanneɛ bɔ Mose hyehyɛle mane yɛ ne!”

Nyekyire 22:16

“Me, Yesu, yeɛ masoma m’abɔfo kyɛ ooli ɛhemɔ nwo adanzeɛ hyire ɛmɔ wɔ asɔre nemɔ anu ɔ. Me ole Dawide ndii ne ye bosoniɛ, ngyerɛmɔ Nzramaa bɔ ɔta ne.”