Marko 10:39 - AHYERƐLƐ KRONGRON

³⁹ Na bebuale ye kyɛ, “Yɛkɔhora.” Na Yesu sele bɛ kyɛ, “Amba, ɛmɔkɔno kulie bɔ meno ne (noa), yeɛ bɛkɔfa asubɔlɛ bɔ bɛfa bɛbɔ me ne bɛkɔbɔ ɛmɔ de,

Marko 10:39 Iomraidhean Croise

Mateo 10:25

Yiti sɛ suaniɛ yɛ kyɛ ye kyerɛkyerɛniɛ a, odi kyɛ ɔma ye nye sɔ; yeɛ akoaa koso sɛ ɔyɛ kyɛ ye mene a, odi kyɛ ɔma ye nye sɔ. Na sɛ bafrɛ awuro mene ne Beɛsebul de a, nzaade ɔkɔyɛ sɛɛ bɔ bɛngɔfa dumaa tɛɛ pee bɛngɔfrɛ ye awuro ama ɔ?

Mateo 3:6

na bɛhane bɛ bɔne maa ɔbɔle bɛ asu wɔ asue Yɔɔdan nu.

Marko 14:31

Nakoso Petro sili so anyeborolɛ so kyɛ, “Sɛ ɔba kyɛ me ne wɔ yɛwu po a, mengɔpa wɔ si le.” Na sɔ ala yeɛ bɛ mukoraa bɛhane ɔ.

Marko 14:36

Na ɔhane kyɛ, “Baba, Baba, nikyee biala nzo wɔ yɔ. Ye sɔ kulie he fi me so! Nakoso nnɛyɔ bɔ mepena, na mmom bɔ ɛpena ɔ.”

Yohane 13:37

Na Petro bisale ye kyɛ, “Awurade, nzu ati yeɛ mengɔhora mengoli wɔ si kekesaala ye ɔ? Ngɔfa me ngoa ngɔto berɛ ngɔma wɔ!”

Yohane 15:20

Ɛ́mɔkaye edwirɛ bɔ nga ngyirele ɛmɔ ne, kyɛ, ‘Akoaa ndra ye mene.’ Sɛ bɛtanene me nye a, bɛkɔtane ɛmɔ koso bɛ nye; sɛ belili me dwirɛ so a, bekoli ɛmɔ deɛ so koso.

Yohane 17:14

Mafa wɔ dwirɛ ne mama bɛ; na wiase apɔ bɛ, ofikyɛ nna wiase yeɛ befi ɔ, kyɛbɔ me koso mmvi wiase ne.

Asomafoɛ 12:2

Ɔfale ngrandɛ huni Yohane aliɛma Yakobo.

Kolosefoɛ 1:24

Na afei, ɔnate ɛmɔ ti me nye gye wɔ m’amaneɛnwunɛ nu; na menya Kristo amaneɛnwunɛ ne anu kyɛfa wɔ me nwonaen nu mema ye nipadua ne, bɔ ɔte asɔre ne.

Nyekyire 1:9

Me, Yohane, bɔ nde ɛmɔ aliɛma ne ɛmɔ abiɛngoɛ wɔ Yesu Kristo amaneɛnwunɛ ne ahennie ne animia nu ɔ, ɔnate Nyameɛ dwirɛ ne ne Yesu Kristo adanzeɛ ne ati, né nwɔ Supɔ bɔ bɛfrɛ ye Patemo so.