Marko 10:38 - AHYERƐLƐ KRONGRON

³⁸ Nakoso Yesu sele bɛ kyɛ, “Ɛmɔnze bɔ ɛmɔbisa ɔ. Aso ɛmɔkɔhora bɛkɔno kulie bɔ meno ne (noa), anaakyɛ asubɔlɛ bɔ bɛfa bɛbɔ me ne, ɛmɔkɔmaa bɛkɔfa bɛkɔbɔ ɛmɔ anaa?”

Marko 10:38 Iomraidhean Croise

1 Ahemvo 2:22

Yeɛ Nana Solomon buale ye maame kyɛ, “Nzu ati yeɛ ɛsrɛ Sunamniɛ Abisage ma Adoniya ɔ? Nzaade srɛ bia ne koso ma ye e! Ofikyɛ nniɛma panyi ɔ. Nnɛsrɛ ma ye ngome, na mmom srɛ ma ɔsɔfo Abiata ne Seruya awa Yoabo koso!”

Edwein 75:8

Ofikyɛ AWURADE tira kwangoa bie wɔ ye sa nu, bɔ nzaa bɔ ye noa yɛ hye, bɔ opu ahure wɔ nu ɔ; okohwie nzaa ne bie, na wiase bɔnefoɛ amukoraa bɛkɔno bekotu ye bo.

Yesaya 51:22

wɔ Mene, AWURADE wɔ Nyameɛ bɔ odi ye maen dwirɛ ma ye ne, ɔnwa nyoo: “Tie, kulie bɔ ɔmaa bɛbo sesɛsesɛ ne, bɔ ɔte me yaafɛlɛ kulie ne, male mafi wɔ sa nu, ɛngɔno ye ko.

Yeremia 25:15

AWURADE Yisrael Nyameɛ sele me kyɛ, “Ɛyaafɛlɛ nzaa kwangoa he bɔ otira me sa nu ye, de, ná ma maen amukoraa bɔ ngɔsoma wɔ bɛ berɛ ne bɛno.

Yeremia 45:5

Na wɔ, aso nningyein mbiri mbiri yeɛ ɛpena mma wɔ nwo ɔ? Nnɛpena, ofikyɛ ngɔprapra musue ngogua anwoɔnaen amukoraa so, AWURADE noa dwirɛ ɛne. Nakoso wɔ de, ekonya wɔ ti kodidi nu kyɛ koɛ nu nzesadeɛ wɔ nekaa biala bɔ ɛkɔhɔ ɔ.”

Mateo 26:39

Na ɔhɔle ye nyunu moa kãa nen, ɔfale ye nyunu butuli berɛ bɔle mbaeɛ kyɛ, “Me Baba, sɛ ɔkɔyɛ yee a, ma sɔ kulie he ofi me so hɔ! Nakoso nna bɔ mepena hɔ ɔ, na mmom bɔ ɛpena ɔ.”

Mateo 3:6

na bɛhane bɛ bɔne maa ɔbɔle bɛ asu wɔ asue Yɔɔdan nu.

Marko 14:36

Na ɔhane kyɛ, “Baba, Baba, nikyee biala nzo wɔ yɔ. Ye sɔ kulie he fi me so! Nakoso nnɛyɔ bɔ mepena, na mmom bɔ ɛpena ɔ.”

Luka 12:50

Asubɔlɛ bie wɔ berɛ bɔ bɛbaafa bɛbɔ me ɔ, na sɛ bɛffa bɛbbɔle me beyyiele a, nnyane anwotɔ.

Luka 22:42

“Baba, sɛ ekuro a, ye sɔ kulie he fi me so; nakoso nna kyɛbɔ mekuro hɔ ɔ, na mmom bɔ ekuro ne yeɛ ɔyɛ berɛ ɔ.” [

Yohane 18:11

Na Yesu sele Petro kyɛ, “Fa wɔ ngrandɛ ne wura ye bɔha ne anu! Kulie bɔ me Baba afa ama me ne, aso onni kyɛ meno anaa?”

Romanfoɛ 8:26

Sɔ ala yeɛ Sunzum ne boka yɛ wɔ yɛ mmerɛyɛlɛ nu ɔ, ofikyɛ yɛnze kyɛbɔ ɔsɛ kyɛ yɛbɔ mbaeɛ ɔ. Nakoso Sunzum ne bɔbɔ ogyina yɛ gya nu, na ɔfa ɛpenenɛ bɔ bɛngora bɛmva edwudwolɛ bɛnga ɔ so ɔsrɛ ma yɛ.

Yakobo 4:3

Ɛmɔbisa, na ɛmɔ sa nga ye, ofikyɛ nna adwene paa yeɛ ɛmɔfa bebisa ɔ, kyɛbɔ ɔkɔmaa ɛmɔkɔfa bɛkɔyɔ bɔ ɛmɔ akɔnnɔ kuro ɔ.