Marko 10:30 - AHYERƐLƐ KRONGRON

³⁰ bɔ ongonya sua mɔ, ne aliɛmaa mmienzua, ne aliɛmaa mmrasua, ne niɛ mɔ, ne mmaa, ne aseɛ mɔ mmɔhoɛ ɛyaa, bɔ ndaneanyeɛ koso boka so, wɔ kekesaala ye wiase ye anu ɔ; ɔne daa ngoa wɔ wiase bɔ ɔ́ba ne anu ɔ.

Marko 10:30 Iomraidhean Croise

2 Aberɛso Dwirɛ 25:9

Yeɛ Amasia bisale Nyameɛ sona ne kyɛ, “Na ɛdwetɛ talɛnde ɛyaa ko bɔ mafa mama Yisraelfoɛ koɛhonɛfoɛ ne, yɛyɛ ye sɛ?” Nyameɛ sona ne buale ye kyɛ, “AWURADE kɔhora kɔma wɔ bɔ ɔbo sɔ ɔ.”

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Anyandera 16:16

Ɛse nworɛ a, kyɛbɔ osi te paa tra sikaa kɔkorɛ ɔ! Yeɛ sɛ ɛte badwemma a, ɔte paa tra kyɛ ekonya ɛdwetɛ ɔ.

Malaki 3:10

Ɛ́mɔfa buru nu ngyɛmuɛ ko ne amukoraa bɛbra nekaa bɔ besie nningyein ne, amaa ɔnate so aleɛ awa m’awuro. Ɛ́mɔfa béso me bɛ́nea, sɛ mengobukye nyameɛso mboma mengɔma ɛmɔ a, sɛ mengohwie saleɛ ngogua ɛmɔ so ma ongobu ngɔfa so a, Asafo AWURADE noa dwirɛ ɛne.

Mateo 12:32

Ebiala bɔ okodwudwo kotia Sona Awa ne nen, bɛkɔfa bɛkɔhyɛ ye; nakoso bɔ okodwudwo kotia Sunzum Krongron ne de, bɛngɔfa ngɔhyɛ ye, wɔ ewiase wa ne ewiase bɔ ɔ́ba ne anu.

Mateo 13:8

Bakaammaa ne bie koso ooguale aseɛ paa so; na besuli mmaa, ebie ɛyaa, ebie aburasia, ebie aburasa.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Luka 18:30

bɔ ongonya ye mmɔhoɛ pee sɔ mmerɛ ye anu, ɔne daa ngoa wɔ wiase bɔ ɔbaawa ne anu ɔ.”

Yohane 10:23

Né Yesu natenate asɔneyɛɛ sua ne anu, wɔ Solomon abrannaa so.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 16:25

Kɔngɔen ne, kɔyɛ abunnamu, né Pɔɔlo ne Silase bɛbɔ mbaeɛ ná bɛto Nyameɛ ayɛyelɛ dwein, na kukunufoɛ ngaa ne tiele bɛ.

Asomafoɛ 5:41

Na bele anigye befili badwa nu berɛ bɛhɔle, kyɛ babu bɛ kyɛ bɛfata kyɛ Yesu dumaa ti animguaseɛ ɔto bɛ ɔ.

Romanfoɛ 5:3

Nna ɛhe angome, na mmom yɛhoahoa yɛ nwo wɔ yɛ amaneɛnwunɛ nu koso, ɔnate kyɛ yɛse kyɛ amaneɛnwunɛ ma sona nya animia;

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

2 Korintofoɛ 6:10

yayɛ kyɛ yɛ wora abɔ nakoso yɛ nye gye daa, yayɛ kyɛ ehiafoɛ nakoso yɛma mmeni pee benya bɛ nwo, yayɛ kyɛ yɛlle huu nakoso yɛle nningyein mukoraa.

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

2 Tɛsalonika 2:16

Na afei, Y’Awurade Yesu Kristo bɔbɔ ne yɛ Baba Nyameɛ, bɔ okuro yɛ dwirɛ, ná walo yɛ wama yɛ daa asomdwee ne anyelasoɛ paa ne,

1 Timoteo 4:8

ofikyɛ anwoɔnaen nu mmɔdenbɔlɛ nwo le mvasoɛ kãa de, nakoso nyamesom paa nwo le mvasoɛ wɔ nikyee biala nu, na ole kekesaala ye ngoa ɔne ngoa bɔ ɔbaawa ne nwo bɔhyɛ.

1 Timoteo 6:6

Nakoso nyamesom paa bɔ ɔma wɔ kunu dwo wɔ ne, ɔte anwonya piri;

Yakobo 1:12

Sona bɔ omia ye nye fa nzɔhwɛ nu ne, onya saleɛ; ofikyɛ sɛ ɔkora gyina nzɔhwɛ ne noa a, okonya ngoa abotire bɔ Awurade afa ahyɛ bɛ bɔ bekuro ye dwirɛ bɔ ne.

Yakobo 5:11

Ɛ́mɔtie, bɛ bɔ bemiane bɛ nye bɛfale amaneɛ nu ne, yɛbu bɛ kyɛ banya saleɛ. Yeɛ ɛmɔate Yob amaneɛnwunɛ nu animia ne, na ɛmɔanwu kyɛbɔ Awurade maa osi yiele ye ɔ, kyɛbɔ Awurade anwumvoinnwunɛ sone, ná osa le tema maa ɔbo so ɔ.

1 Yohane 2:25

Na bɔ wafa wahyɛ yɛ bɔ ole daa ngoa.

1 Yohane 3:1

Ɛ́mɔnea ɔdɔ sonongo bɔ Baba ne wafa walo yɛ ɔ, bɔ ɔmaa bɛfrɛ yɛ Nyameɛ mma ɔ, na yɛte ye mma koso amba. Na ɔnate ɛhe ati ewiase nze yɛ, ofikyɛ onnwuni ye.

Nyekyire 2:9

Mese w’amaneɛnwunɛ ne wɔ hiaa, (nakoso anya wɔ nwo), yeɛ mese bɛ bɔ bɛnwa bɛte Yudafoɛ nakoso bɛtte Yudafoɛ ne, ná mmom bɛte Satan nyianu sua ne, bɛ musue dwirɛ kekanɛ ne.

Nyekyire 3:18

Yiti metu wɔ foɛ kyɛ, tɔ nningyein hemɔ fi me berɛ: sikaa kɔkorɛ bɔ bafa see bate ye nwo ɔ, amaa ɔnate so anya sikaa; ataadeɛ fufue bɔ ekowura bɔ ɔngɔma w’animguaseɛ adagya ne nwo ngɔla berɛ ɔ, yeɛ anyeɛ ayire bɔ ɛkɔfa kogua wɔ nye so, bɔ ɔkɔmaa ekonwu nikye ɔ.