Marko 10:27 - AHYERƐLƐ KRONGRON

²⁷ Yeɛ Yesu neane bɛ haa, na osele kyɛ, “Kuro sona bue nu de, ɔngɔhora ngɔyɛ berɛ, nakoso nna Nyameɛ bue nu ɔ; ofikyɛ Nyameɛ bue nu de, nningyein mukoraa kɔhora kɔyɛ berɛ.”

Marko 10:27 Iomraidhean Croise

2 Ahemvo 3:18

Ɛhe te nikyee kaaba koraa wɔ AWURADE nye so, ofikyɛ ɔkɔfa Moabo kowura ɛmɔ sa koso.

2 Ahemvo 7:2

Yeɛ Yisrael hene safohene bɔ ode ye di paa ne sele Nyameɛ sona ne kyɛ, “Sɛ AWURADE tofitofi ewienu (ma ayuo tɔ gua ase) po a, aso ɛhe kɔhora kosi?” Nakoso Elisa buale ye kyɛ, “Ɛkɔfa wɔ nye konwu ye, nakoso engoli bie.”

YOB NWOMAA NE 42:2

“Mese kyɛ ɛkora yɔ nikyee biala, na ebiala ngɔhora ngosi wɔ nhyehyɛleɛ ate.

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Yeremia 32:27

“Tie, me ole AWURADE, anwoɔnaen amukoraa Nyameɛ; aso nikyee bie yɔlɛ yɛ se ma me anaa?

Sakaria 8:6

Asafo AWURADE nwa nyoo: Maen he anu mmenia bɔ baha ne, sɛ ɔyɛ bɛ nye so nwanwa wɔ mmerɛ he anu a, aso me koso ɔkɔyɛ me nye so nwanwa anaa? Asafo AWURADE noa dwirɛ ɛne.

Mateo 19:26

Na Yesu neane bɛ haa sele bɛ kyɛ, “Sona bue nu de, ɛhe ngɔhora ngɔyɛ berɛ; nakoso Nyameɛ bue nu de, nningyein mukoraa kɔhora kɔyɛ berɛ.”

Marko 10:26

Na ɛhe yɛle bɛ anwodwiri mmorosoɛ, na besisele bɛ nwo kyɛ, “Nzaade, nwa yeɛ bɛkɔhora bekole ye ngoa ɔ?”

Luka 1:37

ofikyɛ Nyameɛ de, nikyee biala nne berɛ bɔ ɔngora nyɔ ɔ.”

Luka 18:27

Na Yesu buale kyɛ, “Bɔ sona bue nu ɔngɔhora ngɔyɛ berɛ ne, Nyameɛ bue nu de, ɔkɔhora kɔyɛ berɛ.”

Filipifoɛ 3:21

na tumi bɔ ɔkora maa ɔfa nnningyein amukoraa wura ye bo ne, ɔkɔfa kɔsakyera yɛ awiɛmvoɛ nipadua ne maa ɔkɔyɛ kyɛ ye animnyam nipadua ne.

Hebrifoɛ 11:19

Na Abraham nyane adwene kyɛ Nyameɛ kora tingye sona fi awufoɛ nu po, yiti sɛ ɛfa ye anyandera nu a, ye sa hane Yisake fili ewue nu kyɛ awufoɛ bɔ Nyameɛ tingye bɛ ne ala.

Hebrifoɛ 7:25

Yiti ɔkora de bɛ bɔ bɛfa ye so bɛba Nyameɛ berɛ ne ngoa bɔkɔɔ; ofikyɛ ɔte ase afebɔɔ, na odi bɛ ti dwirɛ ma bɛ.