Marko 10:24 - AHYERƐLƐ KRONGRON

²⁴ Yesu dwirɛ bɔ ɔhane ne yɛle asuafoɛ nemɔ nwanwa. Nakoso Yesu sa sele bɛ kyɛ “Me mma mɔ, ɛmɔanwu kyɛbɔ osi yɛ se ma bɛ bɔ bɛfa bɛ nwo bɛto anwonyadeɛ so kyɛ bɛkɔhɔ Nyameɛ ahennie ne anu ɔ!

Marko 10:24 Iomraidhean Croise

Edwein 17:14

Ao AWURADE, fa wɔ tumi ne pepɛ de me fi adasa mmaa sa nu; adasa mmaa bɔ b’akatuaa wɔ wiase wa ala ne, de me fi bɛ sa nu. Akatuaa bɔ ahyehyɛ ato berɛ ama bɛ ne, fa tua bɛ so kerɛ piri paa; ma bɛ mma mɔ benya akatuaa ne mmorosoɛ, ná bɛ́fa bie bɛ́yakyi bɛ nnomaa mɔ.

Edwein 52:7

“Ɛ́mɔnea sona bɔ wamva Nyameɛ wanyɛ ye afealeɛ, na mmom ɔfale ye wora wurale ye anwonya worawora nu, ná ɔfale ye nwo tole ye agyapadeɛ so ne!”

Edwein 62:10

Nnɛma ɛmɔfa ɛmɔ nwo bɛto apoobɔlɛ so, yeɛ nnɛma ɛmɔ nye gye awue nwo; sɛ ɛmɔ anwonyadeɛ sone po a, nnɛma ɛmɔfa bɛ nwo bɛto so.

Anyandera 11:28

Sona bɔ ɔfa ye wora wura ye anwonyadeɛ nu ne, ɔbɔ ase, nakoso teneneeniɛ de, ɔkɔyɛ frɔmfrɔm kyɛ nyaa monɛ.

Anyandera 18:11

Sikaniɛ anwonya yeɛ ɔte ye kuro bɔ wato ye nwo fasue ɔ, osusu kyɛ ɔte fasue tendenn.

Anyandera 23:5

Kyɛ ɛbɔ wɔ nye perɛ ne, né watu wamini, ofikyɛ anwonya le ndaa, na otu kyɛ kɔleɛ ɔkɔ anwuro anwuro.

Yeremia 9:23

Bɔ AWURADE kã hɔ ɛhe: “Nnɛma nworɛniɛ ɔfa ye nworɛ hoahoa ye nwo, nnɛma anwoserɛniɛ ɔfa ye anwoserɛ hoahoa ye nwo, yeɛ nnɛma sikaniɛ ɔfa ye anwonya hoahoa ye nwo.

Habakuku 2:9

“Sona bɔ ɔnate atee tɛɛ so ɔpena anwonyadeɛ ma ye awuro, kyɛ ɔfa nwo ye saen wɔ anwuro, kyɛbɔ musue biala ngɔto ye ne, ye yaakɔ!”

Sefania 1:18

B’ɛdwetɛ anaa bɛ sikaa kɔkorɛ, ɔngɔhora ngɔpepɛ ngole bɛ wɔ AWURADE ahonehulɛ kyẽa ne. Aseɛ amukoraa kɔyera wɔ ye nungunɛhwenɛ see ne anu, ofikyɛ ɔbaanua aseɛ ne aso ama mukoraa bɛ boso mvum nu.

Mateo 19:25

Na asuafoɛ nemɔ tele edwirɛ he nen, ɔyɛle bɛ nwanwa pee, na bɛhane kyɛ, “Ye de nwa yeɛ bɛkɔhora bekole ye ngoa ɔ?”

Marko 1:27

Na ɛhe mane bɛ mukoraa bɛ nwo dwirili bɛ, maa ɔnate so bebisabisale bɛ nwo kyɛ, “Nzikyɛ dwirɛ ɛhe? Ngyerɛkyerɛ foforɛ beni ɛhe? Ole tumi hyɛ sunzummɔne mɔ po, na betie ye.”

Marko 10:23

Yeɛ Yesu totole ye nye bra yiale, na osele ye asuafoɛ nemɔ kyɛ, “Yeɛ ɛmɔanwu kyɛbɔ osi yɛ se ma bɛ bɔ banya bɛ nwo kyɛ bɛkɔhɔ Nyameɛ ahennie ne anu ɔ!”

Luka 16:14

Na Farasiifoɛ bɔ bɛ nye boro sikaa ne, bɛtele edwirɛ hemɔ amukoraa nen, bɛserele ye.

Yohane 13:33

Me ngwadaammaa, mmerɛ kãa bie yeɛ waha bɔ me ne ɛmɔ yɛkɔtena ɔ. Ɛmɔkɔpena me, na kyɛbɔ nga ngyirele Yudafoɛ ne kyɛ, ‘Nekaa bɔ mekɔ ne, ɛmɔngɔhora berɛ bie ba’ nen, sɔ ala yeɛ mekã mekyire ɛmɔ koso kekesaala ye ɔ.

Yohane 21:5

Na Yesu bisale bɛ kyɛ, “Biamɔ, ɛmɔanya naen anaa?” Na bebuale ye kyɛ, “Daabi oo!”

Yohane 6:60

Na ye asuafoɛ nemɔ anu pee bɛtele sɔ dwirɛ nen, bɛhane kyɛ, “Ngyerɛkyerɛ he de, ɔyɛ se; nwa yeɛ ɔkɔhora kotie ɔ?”

Galatiafoɛ 4:19

Me mma ngwadaa, mesa medi ɛmɔ nwo yealɛ kyɛ brasua bɔ aworɛ aha ye ɔ kɔpem kyɛ Kristo sue ne kɔtena ɛmɔ nu ɔ.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

1 Yohane 2:1

Me ngwadaa mɔ, mekyerɛ he mebrɛ ɛmɔ amaa ɛmɔanyɔ bɔne. Nakoso sɛ ebie yɔ bɔne a, yɛle kamafoɛ wɔ Baba ne nyunu bɔ ye ole teneneeniɛ Yesu Kristo.

1 Yohane 4:4

Me ngwadaa mɔ, ɛmɔ de ɛmɔte Nyameɛ deɛ na ɛmɔali bɛ so ngonim; ofikyɛ bɔ ɔte ɛmɔ nu ne, ɔte piri tra bɔ ɔwɔ wiase ne.

1 Yohane 5:21

Me ngwadaa mɔ, ɛmɔhwe ɛmɔ nwo béfi mmosoen nwo.

Nyekyire 3:17

Ofikyɛ ɛnwa, ‘Manya me nwo, nne agyapadeɛ, na menhia nikyee fee.’ Nakoso ɛnze kyɛ ɛyɛ anwumvo, wɔ nwo yɛ aworabɔ, wahia wɔ, wɔ nye asi, ná wɔ nwo la so ɔ.