Marko 10:23 - AHYERƐLƐ KRONGRON

²³ Yeɛ Yesu totole ye nye bra yiale, na osele ye asuafoɛ nemɔ kyɛ, “Yeɛ ɛmɔanwu kyɛbɔ osi yɛ se ma bɛ bɔ banya bɛ nwo kyɛ bɛkɔhɔ Nyameɛ ahennie ne anu ɔ!”

Marko 10:23 Iomraidhean Croise

YOB NWOMAA NE 31:24

“Sɛ mafa me wora mawura sikaa kɔkorɛ nu, ná mahã mahyire sikaa kɔkorɛ paa kyɛ, ‘ɛte m’anyelasoɛ;’

Mateo 18:3

na ɔhane kyɛ, “Nahorɛ nu, mekã mekyire ɛmɔ kyɛ, sɛ ɛmɔanzesã ná ɛmɔanyɛ kyɛ ngwadaa a, ɛmɔngɔhɔ nyameɛso ahennie ne anu le.

Marko 10:15

Nahorɛ nu, mekã mekyire ɛmɔ kyɛ, ebiala bɔ wanne Nyameɛ ahennie ne wando nu kyɛ akwadaa ne, ɔngɔhɔ nu le.”

Marko 10:22

Na edwirɛ he mane biaa ne nyunu yɛle bosaa, na ole aworabɔlɛ sili nu hɔle; ofikyɛ né ole anwonyadeɛ pee.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Marko 5:32

Na Yesu fale ye nye fale nu kyɛ okonwu sona bɔ wayɔ sɔ ne.

Luka 18:24

Yesu nwuni kyɛ ye wora abɔ paa, na ɔhane kyɛ, “Ɔyɛ se ma bɛ bɔ banya bɛ nwo kyɛ bɛkɔhɔ Nyameɛ ahennie ne anu ɔ!

Yohane 3:5

Yesu buale kyɛ, “Nahorɛ nu paa, mekã mekyire wɔ kyɛ: Ebiala ngɔhora ngɔhɔ Nyameɛ ahennie ne anu, sana bafi nzue nu ne Sunzum nu bawo ye.

1 Korintofoɛ 1:26

Afei aliɛmaa mɔ, ɛ́mɔkaye ɛmɔ frɛlɛ bɔ ɔfrɛle ɛmɔ ne. Sɛ ɛnea ye sona bue nu de a, ɛmɔ nu kãa bie yeɛ né bele dibea anaa bɛte nnehyeɛ ɔ.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

2 Petro 1:11

Na ɔba ye sɔ a, bɛkɔma ɛmɔ atee mmorosoɛ bɔ ɔkɔ y’Awurade ne yɛ Ngoadefoɛ Yesu Kristo ahennie afebɔɔ ne anu.