Marko 10:22 - AHYERƐLƐ KRONGRON

²² Na edwirɛ he mane biaa ne nyunu yɛle bosaa, na ole aworabɔlɛ sili nu hɔle; ofikyɛ né ole anwonyadeɛ pee.

Marko 10:22 Iomraidhean Croise

Hesekiel 33:31

Bɛba wɔ berɛ kyɛbɔ maen bɛkwaayia ne ala, bɛtenatena wɔ nyunu kyɛ me maen, betie wɔ noa dwirɛ, nakoso benni so; ofikyɛ bɛma bɛ noa dwirɛ yɛ fɛfɛɛfɛ kyɛ bale bato nu, nakoso b’ahone nu de, b’anwonya fiɛ yeɛ bɛpena ɔ.

Mateo 13:22

Na mmakaammaa bɔ beguale mmowue nu ne, ogyi berɛ ma ebiala bɔ ɔte edwirɛ ne, nakoso ewiase asetena nu adwenedwene ne anwonyadeɛ nnakannaka bemiamia edwirɛ ne, na onzu mmaa.

Mateo 19:22

Na aberandeɛ ne tele edwirɛ he nen, ole aworabɔlɛ sili nu hɔle; ofikyɛ né ole anwonyadeɛ pee.

Mateo 27:3

Yudase bɔ ɔyele ye mane ne, mmerɛ bɔ onwuni kyɛ babua Yesu ewue foɛ nen, onuni ye nwo, na ɔfale ɛdwetɛ aburasa ne sa brɛle asɔfo mbanyi ne maen mbanyi nemɔ,

Marko 10:21

Yeɛ Yesu neane ye haa, na ohurole ye dwirɛ, na osele ye kyɛ, “Waha wɔ nikyee ko: Kɔ ná kɔtɔne bɔ ele ye amukoraa, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Marko 10:23

Yeɛ Yesu totole ye nye bra yiale, na osele ye asuafoɛ nemɔ kyɛ, “Yeɛ ɛmɔanwu kyɛbɔ osi yɛ se ma bɛ bɔ banya bɛ nwo kyɛ bɛkɔhɔ Nyameɛ ahennie ne anu ɔ!”

Marko 6:20

ɔnate kyɛ né Herode suro Yohane, ofikyɛ onwuni kyɛ Yohane te teneneeniɛ ne krongronniɛ. Yiti ɔbɔle Yohane nwo waen. Né Yohane noa dwirɛ ma Herode ye ti anu yɛ ye basaa; nakoso né okuro kyɛ otie ye noa dwirɛ ɔ.

Marko 6:26

Edwirɛ ne hale ɛhene ne paa, nakoso ɔnate ndaen bɔ ɔtale ne, ɔne bɛ bɔ ɔne bɛ didi ne ati, wangora ye noa kakyi.

Luka 12:15

Na osele bɛ kyɛ, “Ɛ́mɔnea ɛmɔ nwo yé wɔ anyeboroborolɛ nwo; ofikyɛ nna agyapadeɛ somaa bɔ sona wanya ye ɔ yeɛ otira ye ngoa nyamaa nu ɔ.”

Luka 18:23

Na ɔtele edwirɛ he nen, ye wora bɔle; ofikyɛ né ye sa nu le bie paa.

2 Korintofoɛ 7:10

Aworabɔlɛ bɔ ɔnate Nyameɛ surolɛ so ba ne ma adwenesakyera bɔ ɔfa sona kɔ ngoalelɛ nu ɔ, na ɔmma sona nnu ye nwo. Nakoso ewiase aworabɔlɛ de ɔfa sona kɔ ewue nu.

Ɛfesofoɛ 5:5

Ofikyɛ ɛmɔse ye dada kyɛ, adwamanbɔlɛniɛ anaa bra fiɛ bɔlɛniɛ anaa anyeboroborolɛniɛ (bɔ ɔte bosoensolɛniɛ) biala nne berɛ bɔ ole agyapadeɛ wɔ Kristo ne Nyameɛ ahennie ne anu ɔ.

2 Timoteo 4:10

Ofikyɛ Dema ahuro kekesaala ye wiase ye dwirɛ, na wayakyi me nu wasi nu wahɔ Tɛsalonika; Kreseke ahɔ Galatia, yeɛ Tito ahɔ Dalmatia.