Marko 10:21 - AHYERƐLƐ KRONGRON

²¹ Yeɛ Yesu neane ye haa, na ohurole ye dwirɛ, na osele ye kyɛ, “Waha wɔ nikyee ko: Kɔ ná kɔtɔne bɔ ele ye amukoraa, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Marko 10:21 Iomraidhean Croise

Gyenesise 34:19

Na ɔnate kyɛ né aberandeɛ Sɛkem nye gye Yakob awa brasua ne nwo ne ati, wanyɛ bɛ nzusuleɛ ne nwo ngyɛkyerɛ koraa. Né Sɛkem yeɛ ɔte titire paa wɔ ye abusua nu ɔ.

Anyandera 23:23

Tɔ nahorɛ, na nnɛyɛ ye atɔen; yeɛ tɔ nworɛ, foɛtulɛ, ne nimdeɛ.

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Mateo 19:21

Na Yesu sele ye kyɛ, “Sɛ ekuro kyɛ ɛyɛ pɛpɛɛpɛ a, ye de kɔ, ná kɔtɔne w’anwonyadeɛ, ná fa sikaa ne ma ehiafoɛ, na ekonya agyapadeɛ wɔ nyameɛso; ná afei bra baali me si.”

Marko 10:22

Na edwirɛ he mane biaa ne nyunu yɛle bosaa, na ole aworabɔlɛ sili nu hɔle; ofikyɛ né ole anwonyadeɛ pee.

Marko 8:34

Afei Yesu frɛle ɛlɔen ne ne ye asuafoɛ nemɔ maa bɛwale ye nwo berɛ, na osele bɛ kyɛ, “Sɛ ebie pena kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Luka 10:42

nikyee komapɛ yeɛ ohia ɔ: Na Maria de, bɔ ɔte paa ne yeɛ waneanea nu waye ɔ, na ɛhe de, bengole bengofi ye sa nu.”

Luka 12:33

Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

Luka 16:9

Na mekã mekyire ɛmɔ kyɛ, ɛmɔ de, ɛ́mɔfa anwonyadeɛ fiɛ ne so bie bénya abiɛngoɛ mɔ, amaa sɛ ohia ɛmɔ a, bafa ɛmɔ bahɔ atenaleɛ afebɔɔ nemɔ anu.

Luka 18:22

Na Yesu tele sɔ dwirɛ nen, osele ye kyɛ, “Waha wɔ nikyee ko: Tɔne bɔ ele ye amukoraa, ná kyɛ sikaa ne ma ehiafoɛ, na ekonya agyapadeɛ wɔ nyameɛso; na afei bra baali me si.”

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Luka 9:23

Na osele bɛ mukoraa kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua daa biala, ná oli me si.

Yohane 12:26

Sɛ ebie so me a, ɔsɛ kyɛ odi me si; na nekaa bɔ nwɔ ne, berɛ yeɛ me somvoɛ koso kɔwa ɔ; na ebiala bɔ ɔso me ne, me Baba kɔhyɛ ye animnyam.”

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Asomafoɛ 2:45

Bɛtɔnene b’agyapadeɛ ne bɛ nwo nningyein, na bɛhyɛle sikaa ne bɛmane ebiala kyɛbɔ ohia ɔ.

2 Korintofoɛ 12:15

Na me de, ɔkɔyɛ me fɛ kyɛ ɔnate ɛmɔ kra ti ngɔhwere me nikyee biala, ɔne me bɔbɔ me mumua ne. Na sɛ mekuro ɛmɔ dwirɛ pee sɔa a, né nzu ati yeɛ ɛmɔ de ɛmɔkuro me dwirɛ kãa bie ɔ?

2 Timoteo 3:12

Amba, sona biala bɔ ɔpena kyɛ ɔbɔ bra bɔ ɔsɔ anyeɛ wɔ Kristo Yesu nu ne, bɛkɔtane ye nye.

Hebrifoɛ 10:34

Ofikyɛ ɛmɔnwuni bɛ bɔ begua kuku nu anwumvoin, na mmerɛ bɔ bɛfene ɛmɔ nningyein bɛfale ne, ɛmɔle anigye bɛpenene so, ofikyɛ ɛmɔse kyɛ ɛmɔle nningyein paa bɔ ɔtra so wɔ nyameɛso afebɔɔ.

Yakobo 2:10

Na sona bɔ okoli mmeraa ne aso, ná ɔkɔto nu komapɛ po nen, né wali ye mukoraati nwo fɔ.

Nyekyire 2:14

Nakoso mebɔ wɔ kwaadu kãa, ofikyɛ ele mmenia biemɔ wɔ wɔ berɛ bɔ basɔ Balaam ngyerɛkyerɛ nu ɔ, ye bɔ ohyirele Balake kyɛ ɔto Yisraelfoɛ sundidua ma beli bosoen so aleɛ, ná bɛbɔ adwaman ɔ.

Nyekyire 2:20

Nakoso mebɔ wɔ kwaadu kãa, ofikyɛ ɛma braa Yesebɛl bɔ ɔfrɛ ye nwo ngɔmhyɛlɛniɛ ne ate, kyɛ ɔyɛ ngyerɛkyerɛ ná ɔlakalaka me ngoaa mɔ ma bɛbɔ adwaman ná beli bosoen so aleɛ.

Nyekyire 2:4

Nakoso mebɔ wɔ kwaadu, ofikyɛ ayakyi ɔdɔ bɔ elili moa nyane ye ne anu.