Marko 10:14 - AHYERƐLƐ KRONGRON

¹⁴ Na Yesu nwuni ye sɔ nen, wanyɛ ye fɛ, na osele bɛ kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ Nyameɛ ahennie ne ɔte bɛ deɛ ɔ.

Marko 10:14 Iomraidhean Croise

Gyenesise 17:7

Ngɔyɛ m’apam maa ɔkɔyɛ apam afebɔɔ, bɔ ɔwɔ berɛ ma me ne wɔ ne kyẽa bie wɔ boso ama wɔ b’aworɛ ndoatoasoɛ mukoraa nu. Na ngɔyɛ wɔ ne kyẽa bie wɔ boso ama Nyameɛ.

Edwein 78:4

Yɛngɔfa yɛngɔfea bɛ mma mɔ, na mmom aworɛ ndoatoasoɛ bɔ ɔba ye, yɛkɔhã yɛkohyire bɛ: AWURADE animnyam nnwumaa ne ye tumi, ɔne anwanwadeɛ mɔ bɔ wayɔ ɔ.

Yesaya 65:23

Bɛngɔyɔ adwuma ngɔfɛ mbaen, yeɛ bɛngɔwo mmaa bɔ bɛkɔpe bekowu ɔ; ofikyɛ bɛkɔyɛ bɛ bɔ AWURADE ayira bɛ ɔ bɛ bosofoɛ, bɛ ne bɛ mma mɔ.

Numeri 14:31

Na ɛmɔ mma mmaa mmaa bɔ ɛmɔnwa bɛkɔhye bɛ nnure ne, ngɔfa bɛ ngɔhɔ aseɛ ne aso maa bekonwu aseɛ bɔ ɛmɔato ye nwo ne.

Mateo 18:10

“Ɛmɔnea yé ná ɛmɔammu ngwadaa ye anu biala animtia; na mekã mekyire ɛmɔ kyɛ, nyameɛso dɔ, b’abɔfo mɔ benwu me Baba bɔ ɔwɔ nyameɛso ne nyunu daa.”

Mateo 18:4

Na ebiala bɔ ɔkɔbrɛ ye nwo ase kyɛ akwadaa he nen, ye yeɛ ɔte titire paa wɔ nyameɛso ahennie ne anu ɔ.

Mateo 19:14

Nakoso Yesu sele kyɛ, “Ɛ́mɔma ngwadaa nemɔ ate ma bɛbra me berɛ, na nnɛma ɛmɔsi bɛ ate; ofikyɛ ɛhemɔ sɔa ye yeɛ nyameɛso ahennie ne ɔte bɛ deɛ ɔ.”

Mateo 5:10

“Bɛ bɔ tenenee ti bɛtane bɛ nye ne, banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Mateo 5:3

“Sunzum nu ehiafoɛ banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Marko 3:5

Na Yesu le ɛyaa neane bɛ bra yiale, na ɔnate b’asoserɛ ti ɔyɛle ye yea, na osele biaa ne kyɛ, “Tengyɛ wɔ sa ne anu.” Ɔtengyɛle nu, na ye sa ne yɛle paa kyɛ ye daa ne ala.

Marko 8:33

Nakoso Yesu kakyili ye nwo neane ye asuafoɛ nemɔ, na ohwili Petro nyunu sele kyɛ, “Dwɔso berɛ kɔ dɔ, Abɔnzam! Ofikyɛ nna Nyameɛ adwene yeɛ ɛdwene ɔ, na mmom ɛdwene kuro sona adwene.”

Yohane 3:3

Na Yesu buale ye kyɛ, “Nahorɛ nu paa, mekã mekyire wɔ kyɛ: Ebiala ngɔhora ngonwu Nyameɛ ahennie ne, sana bawo ye foforɛ.”

Yohane 3:5

Yesu buale kyɛ, “Nahorɛ nu paa, mekã mekyire wɔ kyɛ: Ebiala ngɔhora ngɔhɔ Nyameɛ ahennie ne anu, sana bafi nzue nu ne Sunzum nu bawo ye.

Asomafoɛ 2:39

Ofikyɛ Nyameɛ anohoba ne wɔ berɛ ma ɛmɔ ne ɛmɔ mma ne bɛ bɔ bɛwɔ dedeede, ɔne ebiala bɔ Awurade, yɛ Nyameɛ, kɔfrɛ ye kɔwa ye berɛ ɔ.”

Asomafoɛ 3:25

Anohoba bɔ Nyameɛ nate ye ngɔmhyɛlɛfoɛ so bɔle ne te ɛmɔ deɛ, yeɛ Nyameɛ ne ɛmɔ nana mɔ apam ne koso, ɛmɔboka so, kyɛbɔ ɔha hyirele Abraham kyɛ, ‘Ngɔfa wɔ bosofoɛ so ngoyira ewiase abusua mukoraa.’

Romanfoɛ 11:16

Sɛ bakaammaa bɔ bekoli moa bɛkɔte ne te krongron ma Nyameɛ a, nzaade ye ngaa bɔ waha ne amukoraa te krongron; na sɔ ala yeɛ sɛ bakaa ndii ne te krongron a, ye mmaen ne koso te krongron ɔ.

Romanfoɛ 11:28

Na ɔfa Nzɛmba ne anwo de, ɔnate ɛmɔ ti bɛte pɔfoɛ mɔ; nakoso ɔfa bɛ bɔ waneanea nu waye bɛ ne anwo de, ɔnate bɛ nana mɔ ti, bɛla Nyameɛ ahone nwo;

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

1 Korintofoɛ 7:14

Ofikyɛ wiaseniɛ huɛ ne, ɔnate ɔye so yeɛ ye nwo te ɔ; sɔ ala koso yeɛ wiaseniɛ yeɛ ne, ɔnate ohu so yeɛ ye nwo te ɔ. Na sɛ wamma ye sɔ de a, ahaa ɛmɔ mma mɔ nwo kogua fiɛ, nakoso kyɛbɔ ɔte ye de, bɛ nwo te wɔ Nyameɛ nyunu.

Ɛfesofoɛ 4:26

Ɛ́mɔfɛ yaa, nakoso nnɛma ɛmɔyɔ bɔne! Nnɛmɔma eyia kɔtɔ ɛmɔ yaafɛlɛ so,

Deuteronomi 4:37

Na ɔnate kyɛ ohurole wɔ nana mɔ dwirɛ ne ati, ɔpale nu yele bɛ bosofoɛ. Na ye bɔbɔ deinn ɔnate ye tumi piri so yeɛ ɔyele wɔ fili Misraim ɔ.

2 Timoteo 1:5

Na ɔmaa mekaye wɔ nahorɛ gyidie ne, gyidie bɔ wɔ nana Loyese ne wɔ maame Yunise belili moa benyane ye ne, na mede medi kyɛ wɔ koso ele bie.

2 Timoteo 3:15

ɔne kyɛbɔ ofi wɔ ngwadaa nu yeɛ anwu Ahyerɛlɛ Krongron ne kyɛ ɔkora maa enwu nworɛ bɔ ɔnate Yesu Kristo nu gyidie so ɔfa wɔ kɔ ngoalelɛ nu ɔ.

Yosua 8:35

Edwirɛ bɔ Mose hyɛle ne amukoraa, nu ko po nne berɛ bɔ Yosua wangenga ye wɔ Yisrael badwa ne amukoraa nyunu ɔ, mmrasua ne ngwadaa mɔ nyunu, yeɛ ɛwɔfoɛ mɔ bɔ baatena Yisraelfoɛ mɔ nu koso bɛ nyunu.

1 Petro 2:2

Ɛmɔte kyɛ nnɔma bɔ bawo bɛ foforɛ ɔ, yiti ɛ́mɔpena sunzum nu nyɔfonesue bɔ ye nwo te ɔ, amaa ɔnate so ɛmɔanyi nu bahɔ ngoalelɛ nu,

Nyekyire 14:5

Bɛ yeɛ bɛppɛle ngondombo le ɔ, ofikyɛ ngekalewa biala nne bɛ nwo.

1 Samuel 1:11

Na Hana hyɛle bɔ kyɛ, “O Asafo AWURADE, sɛ ahaa ɛkɔpɛ wɔ nye kɔnea w’afaneɛ aworabɔlɛ, ná ɛkɔkaye me, ná amma wɔ wora amvi w’afaneɛ, ná mmom ɛma w’afaneɛ baa bienzua a, ye de ngɔfa ye ngɔma wɔ AWURADE mmerɛ amukoraa bɔ ɔte ase ɔ; na dɛmaa biala ngɔtɔ ye ti so.”

1 Samuel 1:22

Nakoso Hana de wangɔ bie, na ɔha hyirele ohu kyɛ, “Sɛ akwadaa ne pɛ nyɔfone a, ngɔfa ye ngɔɔma AWURADE, na ɔkɔtena dɔ mmerɛ biala.”