Marko 1:40 - AHYERƐLƐ KRONGRON

⁴⁰ Na kwataniɛ bie wale Yesu berɛ ɔɔkotole srɛle ye kyɛ, “Sɛ ekuro a, ɛkɔhora kɔma me nwo kofi.”

Marko 1:40 Iomraidhean Croise

Gyenesise 18:14

Aso nikyee bie wɔ berɛ bɔ ɔyɛ se ma AWURADE hɔ ɔ? Na mmerɛ bɔ mahyɛ ne, afoɛ bieku bekye sɔa ala, ngosa ngɔwa wɔ wa, na Sara konya baa bienzua.”

2 Samuel 3:29

Ye nwo foɛlilɛ kɔbɔ Yoabo ti so, ɔne ɔse abusuafoɛ bɛ ti so. Sona bɔ ye bienzua fiti, anaa kwataniɛ, anaa sayɛɛ, anaa bɔ ɔtɔ ngrandɛ noa, anaa bɔ ye noa aleɛ abɔ ye ne, ebie ngɔpa Yoabo awuro le!”

2 Ahemvo 15:5

AWURADE hwene Nana Asaria so, maa kwata anwonyerɛ bɔle ye toonn kɔpem kyɛ owuli ɔ. Ɔnate anwonyerɛ ne ati, né ye ngome waatena awuro bie anu. Ɔwa bienzua Yotam yeɛ né ɔnea ahemvie berɛ ɔ, na ye yeɛ né ɔnea maen ne anu ama so ɔ.

2 Ahemvo 7:3

Mmienzua kwatafoɛ nna biemɔ, bɔ né bɛte kuro berɛ pambim ne asi dɔ ɔ, besisele bɛ nwo kyɛ, “Nzu ati yeɛ odi kyɛ yɛtena wa ma ɛhɔen ku yɛ maa yɛwu ɔ?

2 Aberɛso Dwirɛ 6:13

Né Solomon ayɔ kɔɔbere simbini wasie awuro n’aluo berɛ. Ye tendenn nu te agyirɛ nnu, ye tɛtrɛtɛɛ nu te agyirɛ nnu, na ofi ye aseɛnwo bɔ ɔkwaadwu ye anwuro ne, ɔte agyirɛ nza. Ogyinane so, obuli ndwerɛ wɔ so wɔ Yisrael maen ne amukoraa bɛ nyunu, na ɔtrɛtrɛle ye sa nu hyirele nyameɛso.

Mateo 11:5

anyesiniwaafoɛ nwu nikye, bubuafoɛ nate, kwatafoɛ nwo fi, asotiniwaafoɛ te dwudwolɛ, awufoɛ tingye, na bɛkã nzɛmba ne bekyire ehiafoɛ.

Mateo 17:14

Bedwuli ɛlɔen ne anwo berɛ nen, biaa bie wale Yesu berɛ, oguale ndwerɛ wɔ ye nyunu, na ɔsrɛle ye kyɛ,

Marko 1:41

Na onwuni ye anwumvoin, ɔtengyɛle ye sa hane ye, na osele ye kyɛ, “Mekuro, wɔ nwo fi!”

Marko 10:17

Yesu pene atee so bɔ ɔkɔ nen, biaa bie tuli amirika ɔɔkotole ye nyunu berɛ, na obisale ye kyɛ, “Kyerɛkyerɛniɛ paa, nzu yeɛ nyɔ ná manya daa ngoa ɔ?”

Luka 22:41

Na ɔhwene ye nwo fili bɛ nwo berɛ hɔle ye nyunu moa kãa nen, obuli ndwerɛ bɔle mbaeɛ kyɛ,

Asomafoɛ 7:60

Afei oguale ndwerɛ, na ɔteane nu serɛserɛ kyɛ, “Awurade, fa bɛ bɔne he kyɛ bɛ!” Ɔhane sɔ ne, owuli.

Ɛfesofoɛ 3:14

Ɔnate ɛhe ati, mekoto mesrɛ [y’Awurade Yesu Kristo] Baba,