Marko 1:34 - AHYERƐLƐ KRONGRON

³⁴ Na ɔsale mmenia wora bɔ b’anwonyerɛ gua ahoroɔ pee ɔ anwonyerɛ. Otutuli sunzummɔne pee, na wamma sunzummɔne nemɔ atee maa bandwudwo, ofikyɛ né bɛse ye.

Marko 1:34 Iomraidhean Croise

Mateo 4:23

Yesu hyinini Galilea amukoraa yɛle ngyerɛkyerɛ wɔ bɛ nyianu sua nemɔ anu, ɔhane ahennie ne nwo nzɛmba ne, na ɔsale anwonyerɛ ne anwommerɛlɛ ahoroɔ wɔ maen ne anu.

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

Marko 1:25

Nakoso Yesu teateane ye kyɛ, “Mua wɔ noa, ná fi ye nu fite!”

Marko 3:12

Na Yesu kanzole bɛ kitii kyɛ nnɛmaa bɛda ye adi bekyire.

Luka 4:41

Na sunzummɔne mɔ koso betutu befili mmeni pee nu, na bɛteateane nu kyɛ, “Wɔ ole Nyameɛ Awa ne!” Nakoso Yesu teateane bɛ, na wamma bɛ ate ma bandwudwo, ɔnate kyɛ né bɛse kyɛ ye ole Kristo ne.